Мæ фæндырмæ (Кочысаты)

←

Мæ фæндырмæ (1939)
by Кочысаты Мухарбег

→

Фыст датæ: 1939, Рауагъ аз: 1939. Равзæрæн: Хорзæй баззай, Ир... : Фыдыбæстæйы Стыр хæсты чи фæмард, уыцы ирон фысджыты уацмыстæ. – Орджоникидзе : Ир, 1985.

290417Мæ фæндырмæ1939Кочысаты Мухарбег

МÆ ФÆНДЫРМÆ

Зар ды дæр, мæ хъисфæндыр, зæллангæй!
Цардæн мах дæр бафидæм йæ хæс.
Зон дæуæн мæ зæрдæйæн йæ тагтæй
Хъистæ скодтон, фидар хъистæ, æз.

О мæ фæндыр, уарзын дæ æз, уарзын!
Демæ 'рвитын алы бон мæ цард.
Демæ æз зындзинадæн фæразын,
Демæ æз нæ фæкæнын æнкъард.

Ды мæнæн мæ царды 'мбал – æнусмæ,
Махæн нæй фæцух уæвæн зæххыл.
Æз дæуимæ никуы кодтон бустæ,
Æз дæуимæ никуы кодтон хыл.

Уарз мæ, уарз, мæ хъисфæндыр, мыггагмæ!
Æз сæрыстыр, бузныг дæн дæуæй.
Æз дæу никуы 'руадздзынæн æгадмæ,
Æз дæу никуы акæндзынæн уæй!..

1939

This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:

its creator fought or worked for Soviet Union victory during the Great Patriotic War — so the 74-year protection term is applied;
and the creator died before January 1, 1950 (more than 74 years ago), and has been not posthumously rehabilitated since that date;
and this work was first published before January 1, 1950 (more than 74 years ago).

The author died in 1944, so this work is also in the public domain in other countries and areas where the copyright term is the author's life plus 79 years or less (if applicable), or the copyright term is 84 years or less since publication (if applicable).