Валда ян/1928/01/МОПР'ть ветеця кизонь топодеманцты

МОПР‘ть ВЕТЕЦЯ КИЗОНЬ ТОПОДЕМАНЦТЫ.

МОПР (международное общество помощи революционерам) — тяфта мярьгихть ся организацияти, конапцты 18-ця мартста топодихть ветя кизот. МОПР‘сь тийф сяс, штоба сойнь вельденза тьождялгафтомс омба масторнь астрогова пякснеф революционерхнень эряфснон, лездомс аф аньцек эстейст, но и семьяснондынгя.

Ветя кизот МОПР‘сь пуропнесынь эсь перьфканза сембода сознательнай, сембода инголя моли революциянь, волянь кельги ломатнень.

Миннь Союзсонок сембя васцтонь МОПР‘ань ячейкатнень эзга ащихть членкс лама миллион ломань. Нят ячейкатня мекпяльдень пингоня кормасть тиендевма велеванга. Тяни пяк крж‘а стама мокшонь веледонга, коса афоль уль МОПР‘ань ячейка, косая афольхть ащя членкс аф аньцек сознательнай работникня, но и трудендай велень ломатневок и н‘льня мокшаватневок.

Аф кржа сельмя ведь косьфтась мопрась ветя кизонь перьф эсь лездоманц мархта, аф кржа вача пекя топафць омба масторнь революционерхнень семьяснон эзда.

Сяс сембя трудендахненди, сиренек, однек, алянек, аванек эряви сьорматфтомс МОПР‘ань ячейкав членкс и сембя васца вийскоря лездомс буржуй масторнь острогова сьолгонтф революционер ялгатненди и синнь семьяснонды.