Малалла
... Хĕн-хур курнă кун иртрĕ...
Пĕр-пĕринчен пĕрлешсе
Тăчĕç «çĕрпе ирĕкшĕн»,
Çĕрĕ халь пире тухрĕ.
Пуриншĕн те пуç çине
Хĕрлĕ ялав çĕкленчĕ,
Пирĕн юнпа хĕрелчĕ,
Куççульсемпе çăвăнчĕ.
Хăпса ялав хыçĕнчен,
Пысăк ĕçе пĕтерме
Ĕçлĕ халăх эртелĕ
Пысăк вăрçалла утрĕ...
Хамăр тăвас ĕç патне
Эпĕр хамăр çитрĕмĕр.
Ку ĕç пире йывăр пулчĕ —
Çырмапала юн юхрĕ.
Пит çирĕппĕн пĕрлешер,
Шур усала пĕтерер,
Хамăр ӳснĕ çĕршыва
Кăларăпăр çутталла,
Ялавне те çӳлелле
Çĕклĕр! Юлташ, малалла!
|
This work was published before January 1, 1929, and is in the public domain worldwide because the author died at least 100 years ago. |