Мезэ эряви содамс эрь дэяти/Кода эряви андомс тракс лофцта
| ←1-це главась. | Мезэ эряви содамс эрь дэяти (1926) by , translated by Чигина М. Кода эряви андомс тракс лофцта. |
Пэконэ ватт урядна шить мелэ.→ |
| Г. Н. Сперанский. Мезэ эряви содамс эрь дэяти. Перевод М. Чигиной. — Москва: Центральное издательство народов СССР, 1926. — 28 с.: илл. — с. 11—15 |
| Кода эряви андомс тракс лофцта. |
Лияста эрэй, иднэть дэяц пэк урмаськады, идняц мэштсонза аф потяфтови, ылэ ават мес-мес машты лофцоц.
Эста васенкигэ эряви вешемс, кодамовок идэнь потяфти ава, конац хоть аф ламняс иднэть потяфнэлхьцэ эсь мэшцонза. Кыда тяфтама ава аф муви, эста эряви иднэть касфтомс тракс ылэ каза лофца ланкса. Но синь лофцсна аф стама, кодама авань лофцсь. Сянкса касфтомска тетьмаконэть [ 12 ]тракс и каза лофца ланса ламода стака. А эряви маштомс иднэть лацкас андомс. Сонь андомац аф моли стама лац, кода дэянь лофцкаса андомста, иднэтьневок ульндихть аф стапт кемот, ломаксть урмаякшнийхть, лама эздодост кулсы.
Тонь потястот иднэсь потэй лофца видеста кургозонза лямбонэ, арунэ, апак сэвф лангонэ и эсонза стама соконят, конат эрявийхть тетьмакти касомс. Траксть потясазь потяма вядеркас, эсонза лофцсь, кельми; траксть одарнц эзда, потэйть кэдензон эзда, сяканэть эзда, кананцти педясазь лофцть, лофцсь ырдазией, лебынией. Сембэ содасазь мызяра ырдазда ляды петямати, ды потяма вядеркать потмакссь. Сянкса иднэти аф эряви макссемс апак рестак лофца. Эряви сонь рэстамс, а рэстамста лофцсь цютькэнэ коли, эсонза иднэти аш сенара парда. Ненгэ, тракс лофцсь аф стама, кодама мамонь лофцсь, траксть лафцти эряви каямс веднэ ды̆ сахарнэ, ату сахарда кыржа. Но кода тят тийндэ иднэти тракс лофцса андомста аф максови сы̆нара сокта, мызяра ломань лофцсса ули. Сянкса тетьмакнэ лисийхть аф пэк кемот.
Кыда иднэть мес-мес аш кода шачемода мелэ андомс дэя лофценяда то тракс лофцти эряви андомс вов кода: васенцэ нилэ недялэтнен эзда тракс лофцти каяк сенара жа ведь, мызяра лофцта, ды стакан тяфтамалофца каяк чайнай куцю сахар почф. Титэ шовор лофцонэть лакафтк, кафксть шовнь кеподьмос. Тоса таватк, кодамовок лие пасудас тяк кайсэ, ды̆ кырьтьк кельмэ васца.
Кыда эряви андомс иднэсь, каяк мызяра эряви лофцоняда глянцень сулейканяс, шчафтк пеняззнза резинкань потэнэ дн навак сулейканэть пси вец. Иднэти эряви макссемс лофцть лямбоняста, кодама парной лофцсь.
[ 13 ]Мзярдонянга потэнэть тяк сявндэ эсь кургозт, тяк надндэ кэльсот, иднэти максомода инголэ, лиендингэ киндингэ тят мярьгэ тяфта тийндемода. Титэ пэк аф пара иднэти. Сонь сэрэтьксты кургоняц, сэрэтьксты пеконяц ка.
Иднэти лофцоннь анокламода инголэ, сулейкас каямода инголэ, тонць аруняста штайть кэтнень.
Мызяра эряви максемс иднэти тяфтама лофцоняда?
Васенцэ шить эзда, шачемода мелэ тейнза лакафтф веттэ башка, мезнява тят макссэ омбоцэ шить эзда макст колмоксть-ветексть тифтэнь-кафтеннь куцю, тяфтама лофцоняда сулейканяста резинканнь потэняса.
Колмоцэ шить эзда котоксть шовдаваста шовдавас кафтоннь куцю.
4—7 шитнень эзда эрь колма частта мэлэ колмоннь куцю, а веть тяк ант — 8 частт.
Тоса васенцэ ковть пес 4—5 куцюфт котоксть шизонза.
Омбцэ ковть эзда эряви андомс лиявкс. Эряви ведь эземс лофцонят шёрьсема вов мезэ мархта; чайнай куцюнэ ямкскать (пинемонь, рисоннь, ячменнь) лакафтт пэкшканяса, лакафтк стакан ведь мархта кувацкас, сенярс, мызярс пелец аф ляды. Тоса педяк сюфтемнэ пачк.
Титэ ямнэть мархта и шеряк апак рэстаф лофцонэть: мызяра лофцта, сенара ямнядонга сяда башка нингэ путт эрь стаканти чайнай куцюнэ сахар почфкат. Тэ лофцонэть, кода инголэ ульсь азф эряви лакафтомс пекшканяса ды таватфста лифтемс кельмэ васц.
Андомс омбоцэ ковть эзда эряви 6—8 куцюфт весть андомста, котоксть шовдаваста-шовдавас [ 14 ]колмоцэ-нилецэ ковть эзда ямняда макссек сяда кыржа, а лофцта сяда лама. Ямнэсь можна тийндемс сяда тустонястонга, пицемс сонь аф ямкскаста, а тезяра ылэ пинем почфста. Чайнай куцю лофцонэ шерякфкэ стакан кельмэ веца ды̆ лакафтк сонь (киветтешка минут). Тооа педяк сюфтемнэ пачк. Нингэ весть эряви лакафтомс лофца мархта. Лофцта сэфт кафксть сяда лама ямнэть горяс, ылэ кафта стакатт лофца, фкэ стакан ямнэ. Сахорда, кода инголэ азф фкэ чайнай куцюнэ эрь стаканс.
Андомс нят кофнень эзда эряви почти тифтень стакан эрь андомаста, анцек ветексть эрь суткаста.
5-цэ да 6-цэ кофнень эзда макссек лангонэ мархта видэ лофцонэ, аф куваць лакафткэ, тифтень стакан, ветексть шовдаваста шовдовас. Эрь стаканц путнек тифтень куцю оахар почф.
Кодак топодийхть тонь иднэцти кота кофт, максть теенза ямнэ, тоса кы̆сэль, тоса модамарьнят ды шурхкенят. Тяфта антк мэнь кизонц топодьмос, кода азф улсь инголэ?
Кстынь ыли пыркхкэнь соконяда ушонт андома нингэ нилэцэ ковть эзда, кыда иднэть кемокстай потмняц. Тракс лофцта андомста сидеста иднэть кемостакшни потмоняц. Кавксть андомода мелэ ылэ инголэ макст фкэ-колма чайнай куцюнэ кстыйнь ылэ пырхкэнь соконэ.
Вов кода эряви иднэть андомс кемонь ковонь тонодьмос шовдава (7 частца); фкэ стакан лэмбэ лофцонэ, фкэ чайнай куцюнэ сахар почф мархта, да 2-3 чайнай куцюнэ сока.
10½ чассца: фкэ стакан лофцонэ, сахар ды калацэнэ ылэ коськшенэ мархта,
Шить (2 ч.): ксэль кстыйнь ылэ касфтаф сад марнь мархта.
[ 15 ]5½ частцта: фкэ стакан лофца-ямнэ сахар мархта.
Илэть (9 ч.) фкэ стакан лофца сахор мархат кафта колма чайнай куцюнэ сока.
Шить, ксэль эземс макст сы̆нара жа тёркаса шоваф модамарнят пырхкэнят, вайнэ мархта, ылэ шенгорямнэ ямкскэ мархта, ылэ шенгарямнэ мод—марнэ, пурхкэнэ рэпскэ мархта.
 |
| Прокс ашкоря мода мелэ иднэсь ащи вов тяфта. |
Лэтфтак, што тракслофцса иднэть трямоц ламода сяда кальдяв, дэянь лофцта потяфтомань горяс. Иднэтнэ тракс лофца ланкса касфтомаста сяда сидеста урмаськачныйхть. Сембэ азф лятфтаматнень, азфнень — эрявийхть ванмос кемоняста. Эрь урмаястонза иднэть (уксонды, пыськизи ылэ пэк псилгоды) весть ылэ кафксть тяк анда, а максть сэнь васц лакафтф веднэ и куроконэ молхть дохторти.