Мезэ эряви содамс эрь дэяти/Удома вастоняц иднэть
| Удома вастоняц иднэть. |
Мызярдонга иднэть тяк матнэ эсь вастозт, эсь ваксозт. Иднэти титэ пэк аф пара. А мызярда матодват, нингэ матрасак сонь ды кулофцак.
Кы̆да иднэсь нингэ аф машты озама, васень ковнзон эзда, иднэть эряви матнемс од кептерняс. Ацак кептернэть потмаксс эчкэ котфонь тишень, шюжэрень, инцьксонь, ылэ левшень доду. Лангозонза ацак каленканэ ды нуланэ.
Прялонза путома додунэсь улеза ембланэ лапшкэ ды калгода: штоба иднэть прязонза дэль тиев лотканэ (ылэ вохси додунэ аф эряви). Вадентф ацямнянц, додунянц-ка эрявийхть муськомс ды̆ потмозост навамс лият тишенят, шюжэрнят, ылэ лие мезевок.
Пэлэ кизонь иднэть эряви-ни матнемс ёмбла, шуфтонь ылэ кшнень краваткас. Нилицкэ пэленза кроваткэть улест пирьфт щюванэ кандоняса.
Сяда иднэсь тэль пра, мызярда сон стяда стэй кроваткэть ланкса, кроваткэть боконязнон эрявийхть тиймос колма ваксоннь (12 вершок) серса.
Мызярдонга тяк матнэ иднэть урямняс! Уряфтомась иднэти пэк аф пара: иднэть шаракадыйхть ённанза.
Кыда куцот ули урям-ёрдак, тяк-ылэ тэряфнэ, штоба вестенгэ эзозонза тяк путнэ иднэть.
Шумбра иднэсь тонфтови удома тяфтак краваткаса, апак уряфнеконга. Кода тонафцак, стама иднэцэ ули.
Сиденяста варчсек краваткасонза иднэть ды̆ нуланясонза, тялхть уль келдат, шичафт ды̆ сит. Сят аф кацазь иднэть удома, тиихть теенза урма.
[ 25 ]Иднэть краватканц удомстонза аф эряви тавачнемс, ату теенза ули кыржа кожфта, а сяс осалста кармай удома. Катк иднэсь уды валда вастоняса. Анцяк валць тэль ван сельмозонза.