Мыйыҡлы сәпсек(шиғыр). Сафуан Әлибай

Мыйыҡлы сәпсек (Шиғыр)
автор Сафуан Әлибай

.Нәшер ителгән: 1996 йыл. Сығанаҡ: "Уҡыу китабы" - 1 синыф өсөн дәреслек.-Өфө"Китап",1996 йыл

Мыйыҡлы сәпсек

Яҙ көнөндә ҡошсоҡтар
Бөтәһе зыҡ ҡубалар,
Үҙҙәренә ҡыуанышып
Яһай яңы оялар.
Бер сәпсек ҡунды тәҙрәгә,
Ап-аҡ ҡына йөн ҡапҡан.
Ә Салауат күҙен алмай,
Ниндәй мәрәкә тапҡан?
Саҡырып миңә күрһәтә:
«Ҡара әле, нисек,— ти,—
Әллә ҡайҙан осоп килгән
Бер мыйыҡлы сәпсек?»— ти.

1996 йыл