Тогѡ́же ст҃а́гѡ є҆фре́ма наказа́нїе.
слоⷡ҇
в҃
Сла́ва тебѣ̀, бж҃е, сла́ва тебѣ̀. и҆ па́ки рекꙋ̀: сла́ва тебѣ̀, бж҃е на́шъ, хвали́мый и҆ превоⷥноси́мый во вѣ́ки. хвали́ти до́лжни є҆смы̀, воⷥлю́бленнїи, бг҃а в꙼ы́н꙼ꙋ
вс꙼егд꙼а̀ , сподо́бившаго на́съ хрⷭ҇то́вымъ ꙗ҆рмо́мъ, и҆зба́вльшихсѧ вре́меннагѡ и҆ тли́магѡ житїѧ̀. хощꙋ́ же послꙋжи́ти словесы̀, и҆́мже блгⷣть просвѣтѝ мо́й смы́слъ. гл҃ати же хощꙋ̀ не мꙋ́дрыми словесы̀, а҆́зъ бо чл҃къ є҆́смь грꙋ́бъ и҆ грѣ́шенъ, землѧ̀ и҆ пе́пелъ, и҆ хꙋ́ждьшїй всѣ́хъ. но ѻ҆ба́че не мꙋ́дростїю гл҃емъ, не всѣ̑мъ бо є҆́сть ᲂу҆до́бнѡ, па́че же не и҆мꙋ́щымъ мі́ра сегѡ̀ фїлосо́фїю. тѣ́мже подоба́етъ наро́чито сло́во да́ти, ꙗ҆́кѡ да мо́гꙋтъ чтꙋ́щїи разꙋмѣва́ти, по бл҃женномꙋ а҆пⷭ҇лꙋ; а҆́ще,
а҃ коⷬ҇
заⷱ҇ рн҃є речѐ, не свѣ́дѣ гла́сꙋ си́лы, бꙋ́дꙋ подо́бенъ гл҃щемꙋ ва́рваръ. и҆ гл҃ѧй ко мнѣ̀ ꙗ҆́кѡ ва́рваръ. мо́жетъ бо дх҃о́вно сло́во до́брѣ живꙋ́щихъ, вѣ́рою без̾ грамматїкі́и и҆ риторїкі́и препрѣ́ти. блгⷭ҇ве́нъ бг҃ъ подава́ѧй всѣ̑мъ, и҆ просвѣ́щаѧй кого́ждо на поле́зное, ꙗ҆́коже па́че моеѧ̀ мѣ́ры, и҆ вы́ше є҆́сть и҆ недоꙋмѣ́ю. но пи́шетъ,
є҆кклⷭ҇ г҃,
сⷯ з҃ вре́мѧ молча́ти, и҆ вре́мѧ гл҃ати. кі́й ᲂу҆́бѡ ѿвѣ́тъ принесе́мъ въ де́нь сꙋ́дный, не помо́гше є҆ли́ко мо́щно бѣ́ѧше, мꙋ̑чимымъ ѿ и҆скꙋше́нїѧ, па́чеже во вре́мѧ сѐ. та́кожде же и҆ стра́ждꙋщымъ ѕлы́мъ ᲂу҆че́нїемъ, и҆ беⷥзако́ннымъ совѣ́томъ. небо̀ кровопі́йца ле́въ, и҆ и҆́стинѣ вра́гъ преста́етъ прельща́ѧ не блюдꙋ́щихсѧ ѕѣлѡ̀. не пло́ти чл҃чески снѣ́сти хотѧ̀, но дꙋ́ши въ гее́ннꙋ воврещѝ хотѧ̀. коли́кѡ бо свѣ́сте, воⷥлю́бленнїи, по ѿше́ствїи земны́хъ вѣще́й, па́ки беⷥче́стными страстьмѝ попра̀ на́съ; коли́кѡ по ѻ҆бѣща́нїи бра́тствꙋ ѿстꙋ́пники содѣ́ла, и҆ тогѡ̀ ѻ҆́браза стра́нны сотворѝ; тѣ́мже подоба́етъ не ᲂу҆кланѧ́тисѧ, но да бра́тъ бра́тꙋ помога́етъ, и҆ тщѝ сотвори́ти дїа́воли сѣ́ти.
в҃ коⷬ҇
заⷱ҇ рѻ҃г мы́ же по а҆пⷭ҇лꙋ реко́хомъ: не ꙗ҆́кѡ дово́лни є҆смы̀ ѡ҆ себѣ̀ помы́слити что̀ ꙗ҆́кѡ ѿ себѐ. но дово́льство бж҃їе, ꙗ҆́коже ᲂу҆довлѝ рабо́тати є҆мꙋ̀, не достѡ́йнымъ сꙋ́щымъ. ва́мъ же да́стъ гдⷭ҇ь, прїи́мшимъ сло́во, ꙗ҆́кѡ бла́зѣй землѝ, соверше́нъ и҆ многоплодови́тъ воⷥда́ти пра́ведный пло́дъ хрⷭ҇тꙋ̀ сп҃сꙋ на́шемꙋ. ꙗ҆́кѡ томꙋ̀ сла́ва во вѣ́ки вѣкѡ́мъ, а҆ми́нь.
This is a translation and has a separate copyright status from the original text. The license for the translation applies to this edition only.
