Правосла́вный мл҃твосло́въ/Кра́ткое и҆з̾ѧвле́нїе

А҆́ще бꙋ́кви непра́вилнѣ зрѧ́тсѧ, грѧдѝ сѣ́мо, да грамматоси́ры є҆́млеши.

Правосла́вный мл҃твосло́въ Кра́ткое и҆з̾ѧвле́нїе, ѡ҆ є҆́же ка́кѡ на себѣ̀ зна́менїѧ крⷭ҇та̀ и҆з̾ѡбража́ти

Мл҃твы ѹ҆́трєннїѧ→

This page contains Church Slavonic text. Without proper font support, you may see question marks, boxes, or other symbols instead of letters and diacritics. Click here to download required fonts.

Кра́ткое и҆з̾ѧвле́нїе,

ѡ҆ є҆́же ка́­кѡ пра­во­сла́­в­но­мꙋ хрⷭ҇тї­а́­ни­нꙋ, по дре́­в­не­мꙋ пре­да́­нїю ст҃ы́хъ а҆пⷭ҇лъ и҆ ст҃ы́хъ ѻ҆тє́цъ, на и҆з̾­ѡ­бра­же́­нїе зна́­ме­нїѧ крⷭ҇та̀ ст҃а́­гѡ на ли­цѣ̀ сво­е́мъ, по­до­ба́­етъ рꙋ­кѝ сво­еѧ̀ пе́­рсты, и҆ кі́ѧ сла­га́­ти, є҆гѡ́­же ѡ҆́бразъ здѣ̀ пе­ча́­т­нымъ ти­сне́­нї­емъ и҆з̾­ѡ­б­ра­зи́­хомъ: и҆ ка́­кѡ на се­бѣ̀ ѻ҆́ный и҆з̾­ѡ­бра­жа́­ти.

Бл҃го­чтⷭ҇и́­вый и҆ пра­во­сла́­в­ный хрⷭ҇тї­а́­нинъ до́­лженъ є҆́сть на крⷭ҇т­ное зна́­ме­нїе рꙋ­кѝ сво­еѧ̀ пе­рсты̀ сла­га́­ти си́­це: Пе́­рвѣе ᲂу҆́бѡ по­до­ба́­етъ є҆мꙋ̀ со­во­кꙋ­пи́­ти де­с­ны́ѧ рꙋ­кѝ сво­еѧ̀ пє́­р­выѧ трѝ пе­рсты̀ во ѡ҆́бразъ ст҃ы́ѧ трⷪ҇цы, ве­ли́­кїй пе́рстъ и҆ дрꙋ­гі̑ѧ два̀ сꙋ́­щыѧ бли́з̾ є҆гѡ̀, и҆́ми­же ꙗ҆́вѣ воз­вѣ­ща́­емъ ѵ҆по­ста́­сей тоѧ̀ ст҃ы́ѧ трⷪ҇цы ра́­ве­н­ство же и҆ со­е­ди­не́­нїе, вкꙋ́­пѣ и҆ не­смѣ­ше́­нїе. За­нѐ, ꙗ҆́ко­же во ст҃ѣ́й трⷪ҇цѣ нѣ́сть пе́­р­вое и҆ по­слѣ́­д­нее, ни­жѐ бо́­лѣе и҆ мнѣ́е, но цѣ́­лы трѝ ѵ҆по­ста́­си, со­при­с­но­сꙋ́­щ­ны сꙋ́ть се­бѣ̀ и҆ ра́­в­ны: си́­це и҆ въ тѣ́хъ тре́хъ пе́­р­стѣхъ пе́­р­выхъ, ра­в­но­ко­не́­ч­нѣ сло­же́­ныхъ, нѣ́сть бо­ль­ша́­гѡ, ни ме́­нь­ша­гѡ, но всѝ по рѧ́­дꙋ, ни­что́­же ме­ждꙋ̀ се­бє̀ и҆мꙋ́­ще пре­гра­жда́­ю­щее, ра́­ве­н­ство и҆́мꙋтъ и҆ со­е­ди­не́­нїе дрꙋ́гъ ко дрꙋ́­гꙋ, ꙗ҆́ко­же и҆ въ са­мѣ́хъ и҆́хъ ви́­дѣ­ти є҆́сть. И҆ полага́емъ ѧ҆̀: пе́рвое на челѣ̀ на́шемъ, є҆го́же каса́етсѧ вы́шнїй ро́гъ крⷭ҇та̀: второ́е на чре́вѣ на́шемъ, є҆гѡ́же достиза́етъ ни́жнїй ро́гъ крⷭ҇та̀: тре́тїе на пра́вомъ ра́мѣ: четве́ртое же на лѣ́вомъ, и҆́миже зна́менаютсѧ попере́чнѣ просте́ртїи концы̀ крⷭ҇та̀, на не́мже распѧ́тый за на́съ гдⷭ҇ь на́шъ і҆и҃съ хрⷭ҇то́съ, рꙋ́цѣ простры́й, всѧ̑ ꙗ҆зы́ки расточє́ныѧ въ концѣ́хъ во є҆ди́но собра̀. И҆ та́кѡ си́мъ и҆з̾ѡбраже́нїемъ пе́рвыхъ тре́хъ ра́внѣ соедине́нныхъ пе́рстѡвъ, ꙗ҆́коже предвари́вше рѣ́хомъ и҆́стиннѡ почита́етсѧ и҆ прославлѧ́етсѧ ѿ на́съ неисповѣди́мый си́лою чⷭ҇тны́й крⷭ҇тъ.

Всебл҃гі́й бг҃ъ и҆ гдⷭ҇ь на́шъ і҆и҃съ хрⷭ҇то́съ, вседѣ́йствꙋющїй свое́ю блгⷣтїю, всѧ̑ ча̑да цр҃кве своеѧ̀, правосла́вные догма́ты и҆ ст҃оѻч҃ескїѧ преда̑нїѧ блг҃очⷭ҇тно содержа́щыѧ, да ᲂу҆тверди́тъ неблазне́нны, непоколеби́мы въ и҆́стинной вѣ́рѣ, въ соблюдѣ́нїи за́повѣдей, во взаи́мномъ є҆дине́нїи ми́ра и҆ любвѐ, и҆ си́мъ неблазне́ннымъ пꙋте́мъ да приведе́тъ въ нбⷭ҇нꙋю цр҃ковь свою̀, во ѡ҆бще́нїе ст҃ы́хъ просла́вленныхъ, въ црⷭ҇тво и҆ бл҃же́нство вѣ́чное. А҆ми́нь.

This is a translation and has a separate copyright status from the original text. The license for the translation applies to this edition only.
Original:
Translation: