Пӧрысь морт кӧинкӧд
Оліс-выліс пӧрысь ай пӧрысь гӧтыркӧд; налӧн вӧлі дозмук мыськысь кань, интӧг увтысь пон, ыж сэсся мӧс.
Кӧин юӧртчысис, мый пӧрысьлӧн подаясыс уна, воис, шуӧ: «Пӧрысьӧй, гӧтыртӧ сет меным!» — Пӧрысьлы шог лоис сетны гӧтырсӧ: сы пыдди сетіс дозмук мыськысь каньсӧ. Кӧин сёйис каньӧс; мӧд лунӧ бара мунӧ: «Сет пӧрысь гӧтыртӧ!» Пӧрысьлы шог лоис сетны гӧтырсӧ: сы пыдди сетіс интӧг увтысь понсӧ. Кӧин сёйис понсӧ, бара келалӧ: «Сет гӧтыртӧ!» Пӧрысьлы шог сетны гӧтырсӧ: сы пыдди сетіс ыжсӧ, сы бӧрті мӧссӧ. Пӧрысь петіс мӧд сиктӧ овны, пӧрысь гӧтырсӧ нӧ эз сет; ӧнӧдз найӧ олӧны-вылӧны, эмбур чукӧртӧны.
|
This work was published before January 1, 1929, and is in the public domain worldwide because the author died at least 100 years ago. |