Раççей

←

Раççей (1905)
by Шелепи Николай Иванович

→

Хайланă дата: 1905, Пичетленĕ çул: 1905. Çăлкуç: Вула Чăвашла

337755Раççей1905Шелепи Николай Иванович

Улпучĕсен хырăмĕсем,
Ах турă!
Пичĕке пек пулса тăрать,
Тур çырлах!
Пуçлăхсем, полицисем,
Ах турă!
Пуçа ухса çех тăраççĕ,
Тур çырлах!

Куçĕсене пăхма хăрăн,
Ах турă!
Çĕлен пекех пăхкаларĕ,
Тур çырлах!
Аллисенчи саламатсем,
Ах турă!
Ним айăпсăр çаптараççĕ,
Тур çырлах!

Кăкрисенче медалĕсем,
Ах турă!
Çăлтăр пекех курăнаççĕ.
Тур çырлах!
Йыттисене юратаççĕ,
Ах турă!
Шур кулачă çитереççĕ,
Тур çырлах!

Ĕççыннисем, хĕресченĕсем.
Ах тура!
Нумайăшĕ выçă лараç.
Тур çырлах!
Пирĕн Раççей тырри-пулли,
Ах турă!
Ниçта чиксе пĕтерес çук,
Тур çырлах!

Хулисенче, ялĕсенче.
Ах турă!
Вĕçсĕр-хĕрсĕр ыйткалакан,
Тур çырлах!
Пирĕн Раççей питĕ чаплă,
Ах турă!
Пĕтĕм çынна тĕлĕнтерет,
Тур çырлах!

Ĕççыннипе хресчен юнне,
Ах турă!
Сĕлĕх пекех сăхса тăрать,
Тур çырлах!
Пирĕн раççей питĕ пуян,
Ах турă! .
Никам шутне тупаяс çук,
Тур çырлах!.

Хуласенче таварĕсем,
Ах турă!
Лапкисенче шăнăçмаççĕ,
Тур çырлах!
Чухăнĕсем темĕп чухлĕ,
Ах турă!
Çш ĕçĕсем çĕтĕк-çатăк,
Тур çырлах!

Вăрăм çÿçсем чиркÿсенче,
Ах турă!
Упа пекех çухăраççĕ,
Тур çырлах!
Виллинчен те чĕрринчен,
Ах турă!
Тăпăлтарса çеç илеççĕ,
Тур çырлах!

Пирĕн Раççей шкулĕсенче.
Ах турă!
Буржуйсем çеç вĕренеççĕ,
Тур çырлах!
Хĕресченпе ĕçхалăхне,
Ах турă!
Ниçта та çул памаççĕ,
Тур çырлах!

Пирĕн Раççей вăрман(ĕ)сенче,
Ах турă!
Шучĕ те çук пурлăх çĕрет,
Тур çырлах!
Хура халăх çурчĕ-йĕрĕ,
Ах турă!
Хăрăк-харăк тÿнсе ларать,
Тур çырлах!

Пирĕн Раççей питĕ хаяр,
Ах турă!
Ĕмĕр-ĕмĕр юн юхтарать,
Тур çырлах!
Тĕрмесенче тăп-туллиех
Ах турă!
Айăпсăр çын тулса тăрать,
Тур çырлах!

Пирĕн Раççей çĕр-шывĕнче,
Ах турă!
Çумăр пекех куççуль çăвать,
Тур çырлах!
Пирĕн Раççей вăрçă вăрçать,
Ах турă!
Хисеп те çук тăлăх-турат,
Тур çырлах!

Пирĕн Раççей питĕ пысăк,
Ах турă!
Вĕçĕ-херри ун курăнмасть,
Тур çырлах!

1905

This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:

its creator didn't fight or work for Soviet Union victory during the Great Patriotic War — so the 70-year protection term is applied;
and the creator died before January 1, 1954 (more than 70 years ago), and has been not posthumously rehabilitated since that date;
and this work was first published before January 1, 1954 (more than 70 years ago).

This work is in the public domain in the United States because it was published before January 1, 1929 (more than 95 years ago).

The author died in 1945, so this work is also in the public domain in other countries and areas where the copyright term is the author's life plus 78 years or less (if applicable), or the copyright term is 118 years or less since publication (if applicable).