Рухсаг уæнт (Гæдиаты)

by Гæдиаты Секъа

Рухсаг уæнт  (1911)  by Гæдиаты Секъа

Фыст датæ: 1911, Рауагъ аз: 1911. Равзæрæн: Гæдиаты Секъа. Уацмыстæ. Дзæуджыхъæу : Ир, 1991

РУХСАГ УÆНТ

Рухсаг уæнт фыдаелтæ,
Гас сæ чи у — цæрæд.
Фæкодтой хъуыддæгтæ:
Мæрдты сын —дзæнæт!

Хæринаг нæ хордтой,
Нæ — дарæс хуыздæр.
Афтæмæй фæкуыстой
Хæрæгæй фылдæр.

Æхсæвæр нæ хордтой,
Лæппутæн æй — уадз.
Сæ фырттыл фæкодтой
Ыскъолаты хардз.

Æнхъæлмæ кастысты
Фыдæлтæ бæргæ:
Фырттæ нæ дардзысты -
Кæнæнт ньтн цæргæ.

Каст фесты фæсивæд,
Цæуынц ныр фиййау.
Иу ма сæ фезюæлæд
Рæстæрдæм, лæгау!

Сæ кафтæй нырризы
Сæ къахы бын зæхх.
Иу дæр сæ нæ зæгъы
Хисдæрæн дзæбæх.

---