Колхозонь эряф/1938/05-6/СССР-нь нароттнень избранниксна
| СССР-нь нароттнень избранниксна |
Союзнай и автономнай республикань Верховнай Советтненди кочкаматнень эса коммунистонь и беспартийнаень Сталинскяй блокть замечательнай победань ащесь народнай единствань грандиознай демонстрациякс, Ленинонь—Сталинонь партияти пефтема довериякс и преданностекс.
„Минь странасонк маласькадсть фкя целайс кафта великай вийхть — народть и коммунизмась“ (Молотов). И тя единениясь, нароттнень великай дружбаснон спаянностьсна музе эсь выражениянц ся единодушияса, ся громаднай политическяй под‘емса, кодама знак ала йотасть кочкаматне.
СССР-нь нароттне кочкасть эсь Верховнай Советозст лучшай, выдающай социалистическяй родинать инь талантливай ломанензон. Народонь васень депутатть, Сталин ялгать эзда, и сонь славнай соратниконзон эзда, колхозонь знатнай дояркати молемс, академикть и ученайть эзда стада ваныти молемс таргаф фкя нить, конац сотнесыне народти и социализмати синь беззаветнай службаснон.
Верховнай Советонь депутаттнень галлереяста минь мушенттама Советскяй союзонь лама геройхть и социалистическяй трудонь сембе областтнень эзга рядовой труженникт; фабрикань, заводонь, социалистическяй паксянь стахановецт, знатнай ткачихат, машинистт, токарьхть, слесарьхть, артистт и писательхть, академикт, профессорхт, ученайхть, педагогт, врачт, инженерхт, архитекторхт, музыкантт и певецт, Якстерь Армиянь и Флотонь боецт, командирхт и доблестнай пограничникт.
Сяда алува минь печатлатама депутатонди кандидатонь кочкамда ингольдень речьста выдержкат. Синь биографияснон эса няфтьфт аф аньцек башка депутаттнень эряфонь кисна, но и минь советскяй народоньконь историясна, синь героическяй йотаф и тяниень пинкста. Речне нят пронизаннайхть патриотизмаса, родинати сяда горячай, беззаветнай кельгомаса, социалистическяй родинати могуществаса и крепостса и вракненди ненавистьса.
Депутаттнень нят живой вайгяльсна азондыхть, што „минь фабрикасонк и заводсонк работайхть капиталистфтома. Работать мархта руководства вятихть народть йоткста ломаттне. Тянди минцонок мярьгондихть социализмась тевса. Минь паксясонк работайхть помещикфтома и капиталистфтома модань труженникне. Работаса руководства вятихть народтть йоткста ломаттне. Тянди и мярьгондихть минцонок социализмась бытса, тянди и мярьгондихть минцонок свободнай, социалистическяй эряф“. (Сталин).