Салдатӧ колльӧдӧм
Нывъясӧй пӧ, нывъясӧй дай,
Роч акань кодь нывъясӧй!
Кытчӧ жӧ пӧ-й кольӧма дай —
Вичко чойӧ, шу, кольӧма.
Мыйла сэтчӧ кольӧма дай
Джуджыд, шу ӧд, чойыс да.
Ещӧ мыйла кольӧма дай —
Джуджыд пӧ вӧд ступйыс да.
Ещӧ кытчӧ кольӧма дай, —
Киръяна завор водзӧ.
Киръяна завор водзӧ дай,
Мыйяс сэтчӧ кольӧма?
Ичмоньяслы горзыны дай, —
Нывъяслы зон колльыны...
Роч акань кодь нывъясӧй дай,
Роч сӧкӧл кодь, зонъясӧй!
Йикиа чомор кодьӧсь дай
Рудзӧг пызя пув кодьӧсь...
Косӧсь кӧ — кӧлач кодьӧсь дай,
Шома кӧ — «вомпась кодьӧсь»,
Юмов кӧ — кампет кодьӧсь дай,
Курыд кӧ — вина кодьӧсь.
Сьӧдӧсь кӧ пӧ-й — са кодьӧсь дай,
Еджыдӧсь кӧ-й — рысь кодьӧсь.
Еджыдӧсь кӧ-й — рысь кодьӧсь дай,
Быгыдӧсь кӧ — лым кодьӧсь.
|
This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
This work is in the public domain in the United States because it was published before January 1, 1929 (more than 95 years ago). This anonymous or pseudonymous work is also in the public domain in other countries and areas where the copyright term of anonymous or pseudonymous works is 95 years or less since publication. |
|