Святое Евангелие (эрзянь)/В/Иоаннонь/02

[ 228 ]

Глава 2.

¹Колмоце чистэнть Кана лемсэ Галилеень ошнэ ульнесь свадьба. Іисусонь авазо-як ульнесь тосо. ²Ульнесь истяжо свадьбастень терьдезь Іисус-как да [ 229 ]тонавтницянзо-як. ³Кода эзь кармак сатомо винаст, Іисусоньть авазо мери Тензэ: сынст винаст арась. ⁴Іисус мери тензэ: мезень сесэ тевсь Монь да тонть, авай? эзь сак ощо Монь шкам. ⁵Авазо мерьсь уретьненень: мезе теҥк мери, тееде. ⁶Ульнесть сесэ кото кевень ведень кантлимат, конат ащильть сесэ Іудейтьнень шлякшнумань коест кис, — эрь вейкесь кавто-колмо ведрань кельгимашкаль. ⁷Іисус мерьсь тенст: пештиҥк ведень кантлиматьнень ведьте. Сынь пештизь сынст пряс. ⁸Сон мери тенст: ней амольдядо да кандодо свадьбань покшосьтень. Сынь кандсть. ⁹Кода свадьбань покшось вачизе ведьстэ теевезь винанть, сон эзь сода, косто сон, — теде содасть аньсяк ведень пештицят уретьне, — терьдизе содамонть ¹⁰да мери тензэ: эрьва ломань васнят максни паро вина, а кода иредить, сестэ седе берянь, а тон паро винанть те шкас ванстык. ¹¹Истя Іисус Галилеень Кана ошнэ, васенце чуданть теезь, невтизе Эсь покш чинзэ да тонавтницянзо кемсть Эзэзэнзэ.

¹²Теде мейле Сон мольсь Капернаумс, Сонсь, Авазо, братонзо да тонавтницянзо-як; да аламо чить тоск эрясть. ¹³Малав пачколиль Іудейтьнень Инечист. Іисус сась Іерусалимев ¹⁴да мусь церькувасонть ревень, букань, гулькань микшницят, да озадо ащицят ярмаконь полавтницят-как. ¹⁵Тейсь пиксэнь чавма пель да весемень панинзе церькувастонть, истяжо реветьнень-гак, букатьнень-гак, ярмаконь полавтыцятнень-гак ярмакост сравтлиньзе да столест-как сявортлиньзе; ¹⁶да мерьсь гулькань микшницятьненень: саиҥк тень [ 230 ]тестэ, да Монь Тетянь кудонть илиҥк тейне микшнима-рамсима кудокс. ¹⁷Сестэ тонавтницянзо мельс ледьсь, кода сёрмадозь: Тонть кудонь жалямось сэви^[1] Эйсэнь. ¹⁸Тень каршо Іудейтьне мерьсть Тензэ: кодамо тевсэ невтьсак тенек, што Тонть истя тейемс олят ули? ¹⁹Іисус тень каршо мерьсь тенст: калафтыҥк те церкуваньть, Мон колмо чис мекев тейса сонзэ. ²⁰Іудейтьне мерьсть Тензэ: те церькувасонть ниленьгемень кото іеть тейсть, Тонеть-ли тееви сон колмо чис? ²¹А Сон эсь киськензэ церькувадонть кортась. ²²Кода Сон кулозьстэ вельмесь, тонавтницянзо мельс ледьсь теде кортамось, да кемсть Писаніясьтень, да Іисусонь ёвтазь валтнэнень. ²³Кода Сон ульнесь Іерусалимсэ Инечинь праздникстэ, ламо ломать, Сонзэ теезь чудатьнень неезь, кемсть Тензэ. ²⁴А сонсь Іисус эзь кемкшне лаҥгозост: ведь Сон весемень содылиньзе: ²⁵Сонензэ эзь эрявть ломатьнеде ёвтниця: Сонсь содась, мезе ломаньсэ ули.

---

1. косьти — машты.