Святое Евангелие (эрзянь)/В/Иоаннонь/16

[ 274 ]

Глава 16.

¹Мон кортыя теҥк тень, штобу тынь авольде манявт. ²Паньдядызь тыҥк синагогатьнестэ. Сы [ 275 ]мик истямо шка, знярдо эрьва тыҥк маштыцясь, карми арьсеме, што Пазонь тев теи. ³Истя тейме сынь кармить секс — сынь эзизь содак Тетянь да Монь-гак. ⁴Тень Мон ёвтыя теҥк секс, знярдо сы се шкась, ледевель-бу мелезэҥк, што Мон теде кортынь теҥк: васня Мон теде эзинь корта теҥк секс, што Моньсь мароҥколень. ⁵А ней молян Моньсинь Кучицясьтень, да кі-як эстэдеҥк а кевстни Эснэнь: ков молят? ⁶Те секс: кода Мон тень ёвтыя теҥк, седееҥк пешкедьсть ризкстэ. ⁷Аньсяк Мон видьстэ кортан теҥк: тынеҥк седе паро, штобу Мон туизан: ведь Мон а туиньдерян, Важдыцясь а сы теҥк, молиньдерян, Мон кучса Сонзэ теҥк. ⁸Сон, сазь, невтсыньзе ломатьненень пежетест, виде чист, да судямост-как. ⁹Пежетест, — мейсь сынь эсть кемть Монень. ¹⁰Виде чист, — Мон Тетянень молян, да тынь уж а нейсамизь Монь. ¹¹Судямост, — што те масторонь Инязорось судязь. ¹²Ощо ули ёвтамом теҥк, да тынеҥк сон ней а чаркодеви. ¹³Знярдо сы виде Духсь, Сон тонавттадызь тыҥк эрьва виде чистень: Сон ведь аволь Эсь пельдензэ карми кортамо, а карми кортамо, мезе мари да икелев мезе ули, сень-гак ёвтасазо теҥк. ¹⁴Сон Монь шнамокс ливцамам, — ведь Сон Монь тевсть сайсазо да тынеҥк-как сонзэ ёвтасазо. ¹⁵Весе, мезе ули Тетянь, се — Монь. Секс Мон меринь-гак: Монь тевсть сайсазо да тынеҥк-как ёвтасазо. ¹⁶Аламо шкань ютазь, тынь а нейсамизь Монь, таго аламо шкань ютазь, нейсамизь Монь: ведь Мон молян Тетянень. ¹⁷Сестэ конат-конат Тонавтницянзо эйстэ мерьсть эсь ютковаст: мезе те истя Сон корты [ 276 ]тенек: аламо шкань ютазь, тынь а нейсамизь Монь, таго аламо шкань ютазь, нейсамизь Монь, Мон молян Тетянень? ¹⁸Сынь кортасть: мезе Сон истя корты: аламо шкань ютазь? А содатанок, мезть корты. ¹⁹Іисус, содазь, што сынст мелест Сонзэ кевстемс, мерьсь тенст: седе-ли тынь вейкеҥк-вейкеҥк кевстнитядо, што Мон меринь: аламо шкань ютазь а нейсамизь Монь, таго аламо шкань ютазь, нейсамизь Монь? ²⁰Видестэ, видестэ кортан теҥк: тынь аварьгадтадо да раҥгазевдядо, а мастор лангонь ломатьне эрьгедить^[1]; тынь мелявксовт ульдядо, аньсяк тыҥк мелявксоҥк эрьгелимакс велявты. ²¹Ава шачтамсто пиштевти, ведь сонзэ сась шказо; а кода шачтасазо эйкакшонть, сестэ сон эрьгедьманзо пачк, што шачсь ломань, стувцазо пиштевтимазо-як. ²²Тыҥк-как истя жо: ней ули мелявксоҥк, а Мон нейдядызь тыҥк таго да седееҥк эрьгедить да тыҥк эрьгедмаҥк кі-як а нельксазо кедьстэҥк.

²³Се чистэнть тынь Монь мезде-як а кестьсамизь. Видестэ, видестэ кортан теҥк: мезе Монь лемс Тетянь пельде а вештядо — максы теҥк. ²⁴Те шкас тынь Монь лемс мезе-як эзиде вешнек; вешеде, да сайдядо, штобу эрьгедьмаҥк пешксе улезэ. ²⁵Те шкас Мон притчасо кортынь теҥк, сы шка, знярдо а карман теҥк притчасо кортамо, а видьстэ Тетядон ёвтан теҥк. ²⁶Се чистэнть карматадо Монь лемсэ инялдомо; Мон а мерян теҥк, што Мон карман Тетянень тынк кис инялдомо, ²⁷ведь Сонсь [ 277 ]Тетям вечктядызь теҥк секс, мейсь тынь Монь вечкимизь, да кемиде, што Мон Пазонть Эйстэ лисинь. ²⁸Мон лисинь Тетянь Эйстэ да сынь мастор лаҥгс, (ней) таго кадса мастор лаҥгонть да Тетянень молян. ²⁹Тонавтницянзо мерьсть Тензэ: вана ней Тон видьстэ кортат, да притча-як кодамо-як а ёвтат. ³⁰Ней минь нейсынек, што Тон весемень содасыть, да Эйсэть кевстлиця-як а эряви Тенть. Секс минь кемдянок, што Тон Пазонть Эйстэ лисить. ³¹Іисус каршозост мерьсь: ней кемдядо? ³²Вана сы шка, да сась уж, — кода эрь-вейке эстэдеҥк туи эсь пелензэ, а Монь кадсамизь ськамон; аньсяк Мон аволь ськамонан: Монь маро Тетям. ³³Нень Мон ёвтынь теҥк, штобу тынь Монь Эйстэ муевледе оймамо. Мастор лаҥгсо ули теҥк ризкс, аньсяк тынь кемекстадо; ведь Мон изнія мастор лаҥгонть.

---

1. радувить.