Святое Евангелие (эрзянь)/В/Маркань/04

Святое Евангеліе (1910)
Маркань сёрмадовт Евангелія, глава 4.

[ 94 ]

Глава 4.

¹Таго кармась тонавтомо моря чиресэ. Ваксозонзо промсть ламо ломать. Сон, венчес совазь, морянть лаҥгсо аштесь, а весе ломатне морянть чиресэ мастор лаҥгсо аштесть. ²Сон эснэст тонавтсь ламо притчасо. Тонавтомсто Сон кортась тенст: ³кулцонеде: вана лись видиця видьме. ⁴Сонзэ видьместэ кона (видьстесь) прась ки чирес. Ливтясть нармуть да кочксизь сонзэ. ⁵Ліятась прась кев пулос, косо модась аламоль. Моданть аволь сэреень коряс, сон курок лись. ⁶Чинзэ лисезь, сон пуйшь, да коренэнь анолдамонь кувалт коськсь. ⁷Ліятась прась кормалав пулос, кода кайсть кормалавтнэ, сонзэ ёмавтызь, секс видьсть сон эзь теевть. ⁸Ліятась прась паро модас, се, лисезь, кайсь да максь видьсть: кона колоньгемень кырда, кона сядонь кырда. ⁹Теде мейле мерьсь: кинь улить марямс пилензэ — марязо.

¹⁰Кода Сон ськамонзоль, перьканзо улезь [ 95 ]ломатне тонавтницянзо маро кевстизь Сонзэ те притчадонть. ¹¹Сон мерьсь тенст: тынеҥк менелень инязорокс чинь а содамотнеде содамс максозь, а не ушосотьненень притчасо весе ёвтлимат: ¹²Сынь, пежетест а простявмонь кис да Пазостень а мольмань-кис, ванозь ваныть да а неить, марязь-гак марить да а чаркодить. ¹³Мейле мерьсь тенст: ара а чаркодьсыҥк те притчасьть? Кода ино чаркодьсыҥк весе притчатнень? ¹⁴Видицясь — вал види. ¹⁵Ки чирес празетне истят ломатьне, конатнень эйс видеви валсь, ансяк марямодо мейле куроксто сы тенст сатанась да саласазо седеезэст видезь валсть. ¹⁶Истяжо кев пулос видезетне-як улить сетне, конатне, валсть марязь, сеск эрьгедезь сайсызь сонзэ, ¹⁷ансяк сонзэ корензэ а эри, да ве шкань эри: сыньдеряй тензэ се валонть кувалт мендяк мелявкс, или панцевск, сеск манявить. ¹⁸Кормалав юткс видезетне истят улить, конат марясызь валсть, ¹⁹ансяк те пиҥгень мелявкснэ, сюпав чис манявмось, да ліят арсиматьне, сынст потмозост совазь, лепштясызь валсть, да сон видьсть а кандови. ²⁰Паро модас видезетьне неть улить, конатне валсть марязь, примасызь да видсть теить, — кона колоньгемень кырда, кона сядонь кырда. ²¹Мерьсь тенст: ара свечанть курваслесызь кедьге алов или тарка алов путмань кис? Аволь шанталс путмонзо кис ли? ²²Ведь мезе-як арась истямо салава, конась ушов аволь листь-бу. Арась истя-жо кекшима-як, конась-бу аволь муевть. ²³Кинь улить марямс пилензэ — марязо.

²⁴Таго мерьсь тенст: мезе марятадо — кирьдиҥк [ 96 ]мельсэҥк. Кодамо оҥкснэ оҥкстатадо, истямосо тынстеҥк-как оҥкстазь ули, а тынеҥк, кулцоныцятне, лездазь ули. ²⁵Кинь ули, сенень максозь ули, а кинь арась, сень пельде се-як нельгезь ули, мезезэ ули. ²⁶Мерьсь таго: Пазонь инязорокс чись моли се ёнов, кода ломань каи модас видсть, ²⁷да сонсь уды да чить-как, веть-как стякшны, видьстесь сонсь лиси да касы, — сон азды-як эстэдензэ. ²⁸Модась эсь пельдензэ васня теи тикше, мейле пря каи, а прясть видьсте пештясазо. ²⁹А кода сюрось кенери, да сы нуйма лаҥго, сон сеск кучи тарваз. ³⁰Таго мерьсь: мезе вакс ладясынек Пазонь инязорокс чинть? или кодамо притчасо сонзэ ёвтнесынек? ³¹Сон горшицянь видьстень кондямо, коната модас видьместэнзэ, весе мастор лаҥгонь видьстнеде вишкине, ³²а кода сон видезь ули да касы, весе тикшетнеде покш эри, нолды покшт тарадт, сулеезэнзэ кармить натой кекшевме менелень нармуть. ³³Истямо ламо притчасо, зняро тенст чаркодевсь, Сон тонавтсь эснэст, ³⁴притчавтомо эзь ёвтлекшнэ тенст валт, а тонавтницянстэнь ськамост пиҥгстэ весе ёвтлилензе.

³⁵Сон чинть чокшнэстэ мерьсь тенст: печктянок омбоце пелев. ³⁶Сынь ломатнень нолдазь, саизь Сонзэ, кода ульнесь венчненть. Марост ульнесть ліят-как венчть. ³⁷Эрь кепететьсь покш буря, ведсь кармась совамо венчестень, да сон кармась натой ваямо. ³⁸А Іисус венченть пулосо, прялкс лаҥгсо, удось. Пувтызь Сонзэ да мерить Тензэ: Тонавтыця, или Тон амелявтат-как, минь ёматанок? ³⁹Сон, стязь, вармасть кардызе, да морястень мерьсь: оймак, да лоткак. [ 97 ]Вармась оймась да пек сэтьміясь. ⁴⁰Мейле мерьсь тенст: мейс тынь истят пелицят? Кода арась кемимаҥк? ⁴¹Сынь, пек тандадозь, вейкест-вейкест туртов кортасть: те ки (истя)? вармась-как, да морясь-как кулцоныть Эснэнзэ?