Святое Евангелие (эрзянь)/В/Маркань/14

[ 126 ]

Глава 14.

¹Кавто чинь трокс ульмаль Инечи да ламбамо сюкоронь праздник. Архіерейтне да книжникне вешнесть, кода-бу Сонзэ манязь саемс да маштомс. ²Сынь кортасть, аньсяк аволь праздник [ 127 ]шкане, народсь аволь кепететь-бу.

³Кода Сон ульнесь Виѳаніясо, прокаженной Симононь кудосо столь экшнэ озадо, сась ве ава алавастрань кедьге маро, конайсэ ульнесь нарда чувтонь ванькс да пек питнев ой; сон кедьгенть порксазь, валызе ойсть Сонзэ прянзо лаҥгс. ⁴Конань-конань саизе мельс апаро да кортасть эсь ютковаст: мезекс истя ёмавтомс ойсьть? ⁵Сонзэ можналь-бу міемс колмо сядт динаріядо питневстэ да явшемс ништёйнень да пеняцясть авасть лаҥгс. ⁶Іисус мерьсь: кадыҥк сонзэ, мейс мелезэ калавтнесыҥк? сон Монень паро тев тейсь. ⁷Ведь ништёйтне яла мароҥк, знярдо мелеҥк ули, теевдядо тенст паро, а Мон аволь яла мароҥк. ⁸Сон тейсь мезе тензэ теевсь: сон Монь киськем, икелев ваднезь, калмамс анокстызе. ⁹Видестэ мерян теҥк: косо те евангеліясь ёвтнезь а ули, весе масторсть лаҥгсо, сонзэ лемензэ кундамонь кис, ёвтазь ули седе-як, мезе сон тейсь.

¹⁰Кемгавтотьнень ютксто вейкесь Іуда Искаріот, мольсь архіерейтьненень Сонзэ максомонзо. ¹¹Сынь, теде марязь, эрьгедсьть да алтасть тензэ сіянь ярмак максомс. Сон теде мейле вешнесь паро шка Сонзэ максомс. ¹²Ламбамо сюкоронь праздниксть васенце чистэнть, знярдо печксильть инечинь реве левкс, Тонавтницянзо мерить Тензэ: косо мелеть инечинь реве левкстэнть ярсамс? Минь мольдянок, да анокстатанок. ¹³Сон кучинзе Тонавтницянзо ютксто кавтотьнень да мери тенст: азёдо ошостень, тосо каршоҥк поҥги кувшинсэ ведень кандыця ломань, моледе мельганзо. ¹⁴Козо сон сови, [ 128 ]мереде се кудонть азоростень: Тонавтыцянок мери: косо кудось, конайсэ Тень тонавтницян маро ярцамс инечинь реве левкстэ? ¹⁵Сон невти теҥк горниця, покш, ацазь, анокстазь, — тосо анокстадо тенек. ¹⁶Тонавтницянзо тусть, да ошостень сазь, муйсть, кода тенст ёвтась, да анокстасть инечинь реве левкс. ¹⁷Чокшнэнь сазь, Сон сась кемгавтотьнень маро. ¹⁸Сынст столь экшнэ озадо ярцамо шкане Іисус мерьсь: видестэ мерян теҥк: вейке тыҥк юткстоҥк Монь марто ярцыцясь Монь макссамам. ¹⁹Сынь кармасть ризнэме да вейкест-вейкест мельга Тензэ кортамо: аволь мон-ли? омбоцесь-как: аволь мон-ли? ²⁰Сон мерьсь каршост: кемгавтостоҥк вейкесь, Монь маро ваканс навсицясь. ²¹Коть Ломанень Цёрась моли, кода Эстэдензэ сёрмадозь, сё таки апаро се ломансьтень, конань вельде Ломанень Цёрась максозь ули: седе паро улевель бу се ломаньстень а шачомс-как. ²²Сынст ярцамсто Іисус сайсь кше, баславизе да синьдезь максызе тенст да мерьсь: саиҥк, ярцадо, те Монь киськем. ²³Мейле сайсь вакан да, Пазонть шназь, максызе тенст. Сынь весе симсть эйстэнзэ. ²⁴Мейле мерьсь тенст: те Монь од закононь верем, кона ламонь кисэ валови. ²⁵Видестэ мерян теҥк: Мон а карман симме виноградонь винадо се чисть самс, знярдо карман симме од винадо Пазонь инязорокс чисэнть. ²⁶Мейле моравтсьть да тусть Елеононь пандонть лаҥгс. ²⁷Тесэ Іисус мери тенст: те вестэнть весе тынь Монь кувалмован манявдадо, сёрмадозь ведь: машця ваныцянть да срадыть реветьне. ²⁸Вельмемедень мейле Мон васттадызь тыҥк Галилеясо. [ 129 ] ²⁹Петр мерьсь Тензэ: весе манявитьдеряй-гак, мон а маняван. ³⁰Іисус мерьсь тензэ: видестэ мерян тенть: Тон шечо, те вестэньть, атякш-как омбоцеде а моры, кода тон колмксть Монь эйстэнь сёпат. ³¹Петр седе-як кемекстазь кортась: хоть куломс тень Тонть маро савозо, а сёпан. Истяжо весе кортасть. ³²Састь Геѳсиманія лемсэ велес, сон мерьсь эсь тонавтницянстэнь: аштеде тесэ, знярс Мон, молезь, ознан. ³³Саинзе маронзо Петрань, Іаковонь да Іоаннань да кармась тандалеме да ризнэме. ³⁴Сон мерьсь тенст: оймем куломс ризны, аштеде тынь тесэ да илядо удо. ³⁵А ламодо ве ёнов туезь, прась Сон масторов да ознось: можна улиньдеряй, ютаволь-бу те часось Сонзэ вакска. ³⁶Сон кортась: Авва, Тетяй! Тонеть весе тееви, ютавтык Монь вакска те кеченть, аньсяк аволь кода Монь мелем, а кода Тоньть. ³⁷Мурдазь, муинзе сынст удомсто да мери Петранень: Симон! тон удат? ве час эзить кирьдть тон апак удок? ³⁸Илядо удок, ознодо, авольде маняв бу. Ведь оймесь кеме, а киськесь лавчо. ³⁹Таго туезь, ознось, секе валсть кортазь. ⁴⁰Мурдазь, таго муинзе сынст удозь: сынст сельмест сталгадозельть, эзть сода-як мезть каршонзо кортамс. ⁴¹Сась колмоцеде да мери тенст: тынь яла оштё удутадо да оймазь аштитядо? Сась пе, пачкодьсь часось: вана Ломанень Цёрась максозь ули пежетевень кедьс. ⁴²Стядо, туйдянок: вана малав пачкодьсь Монь максыцясь. ⁴³Сеск, Сонзэ кортамсто-як, сась Іуда, кемгавтотьнень эйстэ вейкесь, маронзо састь архіерейтнень, книжникнень да атятнень пельде кучозь ламо [ 130 ]ломать пеель да колія маро. ⁴⁴Сонзэ максыцясь марост валдо путьсь, мерезь: конань мон паласа, се Сон — саиҥк Сонзэ да ванцтозь ветиҥк. ⁴⁵Сазь, сон сеск мольсь ваксозонзо да мерьсь: Тонавтыця! Тонавтыця! да палызе Сонзэ. ⁴⁶Сетьне кундызь Сонзэ да саизь. ⁴⁷Вейке сесэ аштицятнень ютксто, таргась пеель да вачкодьсь архіереень важо да керизе сонзэ пилезэ. ⁴⁸Іисус мерьсь тенст: Монь саймень тынь разбойник лаҥгс прок лисиде, пеель да колія маро. ⁴⁹Эрьва чистэ Мон мартоҥк ульнинь церькувасо да тонавтынь, тынь Монь эзимизь сайть. Истя ино топодест сёрмадозетьне. ⁵⁰Сестэ сонзэ кадозь, (тонавницятне) весе оргодьсть. ⁵¹Ве од ломань, штапо киське лаҥгс вельксэнзэ тапардазь, мольсь мельганзо. Салдатне кундызь се ломаньсть, ⁵²а сон, вельксэнть кадозь, штапо оргодьсь эстэдест. ⁵³Ветизь Іисусонь прявт архіерейстень. Промсть сенень весе архіерейтне, атятнэ да книжникне. ⁵⁴Петр ве ёно мольсь мельганзо прявт архіерейсть кардаз потмостень пачкодьмес мик; тосо уретне маро аштесь озадо да тол вакснэ эжнесь. ⁵⁵Архіерейтьне да весе синедріонсь Іисусонь маштумань кис вешнесть лаҥгозонзо чумонь ёвтыцят, да эзь мукшнок. ⁵⁶Сонзэ лаҥгс ламо, кенгелезь, ёвтнесть, да сетьне ёвтниматьне а сатыльть. ⁵⁷Конат-конат, стязь да кенгелезь, кортасть лаҥгозонзо, мерезь: ⁵⁸Минь маринек, кода Сон кортась: Мон яжаса те кедьсэ теезь церькувасть, да колмо чинь трокс стявтан ліята, аволь кедьсэ теезь. ⁵⁹Аньсяк истямо кенгелезь ёвтамось-как а сатыль. ⁶⁰Сестэ стясь (прявт) архіерейсь кунчка [ 131 ]таркас да кевстизе Іисусонь: Мейс Тон мезть-как а отвечат? Мезть сынь Тонть лаҥгс невтить? ⁶¹А Сон чатьменьсь, мезть-как эзь отвеча. Архіерейсь таго кевстизе Сонзэ, да мерьсь Тензэ: Тон-ли Христозось, Баславазенть Цёразо? ⁶²Іисус мерьсь: Мон; да тынь-гак нейсыҥк Ломанень Цёранть війтнень видьть пеле ёно озадо аштемстэ, да менелень пельтнень лаҥгсо самсто. ⁶³Сестэ архіерейсь, одижанзо раздезь, мерьсь: мезекс тенек оштё ёвтыцятне эрявить? ⁶⁴Мариҥк Сонзэ Пазонь сялдуманзо? Кода теҥк маряви? Сынь весе чумондызь Сонзэ куломо. ⁶⁵Сестэ конат-конат кармасть сельгенеме лаҥгозонзо да, чаманзо вельтязь, вачколесть Эснэнзэ да кортасть: содык (ки вачкодиньзеть)? Уретьне-як чавсть Эснэнзэ чама пелькска. ⁶⁶Петрань ало кардайсэнть ульместэ, сась вейке, архіерейсть уре-аватьнень эйстэ, ⁶⁷да Петрань эжнемстэ неезь, да лаҥгозонзо парьсте ванозь, мерьсь: тоҥгак Назорей Іисус марто ульнить. ⁶⁸Сон сёпсь, мерезь: аздан, да ачаркодян-гак, мезть тон кортат. Мейле лись икельць кардазостень. Сестэ морась атякш. ⁶⁹Се уре-авась, таго сонзэ неезь, кармась сесэ аштицятненень кортамо: те ведь сынст эйстэ. ⁷⁰Сон таго сёпсь. Аламо шкань ютазь, сесэ аштицятне таго кармасть кортамо Петранень: тон алкукс сынст эйстэнь, ведь тон Галилеень эрицяят, келеть-как сынст ёнов моли. ⁷¹Сон кармась божамо да сёпомо: а содаса те ломаньсть, конадо тынь кортатадо. ⁷²Сестэ атякшось морась омбоцеде: Эрь ледсь Петрань мельс Іисусонь ёвтазь валсь: атякш [ 132 ]кавсть аморы, кода тон колмсть Монь эйстэнь сёпат, да кармась аварьдеме.