Священная история Ветхого и Нового завета (1880)/В/Ветхий/21
21. Іосифень лялянзо Египетсъ сюронь рамамонь кисъ васенце молемадостъ.
Сисемь эрва мезень шачиця іетне ютасть, састь ней мезеньгакъ а шачиця іетне. Ханаанской масторсо ломатне якъ вачодо эрямо кармасть: тэсэ якъ мезіякъ шачомо эзь карма. Іаковъ эсензэ цёратне туртовъ мерсь: „монъ маринь Египетсэ сюронь микшнемадо, тынь азеде товъ сюронь рамамо“. Іаковонь кемень покшъ цёранзо ярмактъ сайсть да Египетсъ сюронь рамамонь кисъ тусть. Египетсэ лія масторсто сазь рамсицятненень сюро Іосифень аньсякъ эсензэ троксъ микшневиль. Тень кувалтъ Іаковонь цёранзо якъ Египетсъ сазъ Іосифень эстензэ молсть. Іосифъ эсензэ братнэнь кодакъ неинзе, сексэ содынзе, а братнэ сонзо эзизь содакъ: сонъ сынстъ мартостъ авуль Еврейксъ, а Египетксъ переводчикень троксъ кортась, сонзо чамазо якъ ліякстомсь: авуль икелень одъ цёринексъ ульнесь ней сонъ. Іосифъ братнэнень эсь прянзо эсе ёвта. Сонъ сынстъ янгсемастъ содамонь кисэ переводчикень троксъ мерсь тенстъ: „монъ вананъ, тынь берять ломаттядо; тынь те масторонть эрва ёндо лавшо тарканзо содамонь кисъ сыде, мейле войнасо сазь саеманзо кисэ“. „Вай, паро ломань“, сынь мерсть тензэ: „минь авуль берянь тевень кисъ, а сюронь рамамонь [ 28 ]кисъ сынекъ тей. Минь честнойть ломаттянокъ, весеменекъ ве тятянь цёранзо. Минь авуль кемень братъ аньсякъ, а кемкавтонекъ ульнинекъ. Веженсь братонокъ тятянокъ ваксо кадовсь, а кемкавтовоценекъ тавовъ ёмась“. Іосифъ сынстъ весеместъ колмо чить темницясо кирдезь ливтинзе да ёвтась тенстъ: „коле тынь партъ ломаттядо, омбоцеде самстонкъ веженсь братонкъ какъ мартонкъ туинкъ. Келе тынь веженсь братонкъ какъ мартонкъ а тусынкъ, монъ тынкъ войкенкъ какъ тестэ шумбрасто (живстэ) а нолдатадызь. Знярсъ мекевъ тей самозонкъ ве братонкъ тескъ темницясь кадовозо“. Сонъ саизе да Симіононь кадызе. Ліятъ братнэнь, мѣшокостъ сюродо пештезь, эрва конатань ярмаконзо мекевъ эсь мѣшокозонзо путомо кармавсь да кудовъ кучинзе. Сынь кода кудовъ састь да мѣшокостъ укснизь, — ваныть эрва конатань ярмаконзо эсь мѣшоксонзо; сынь пекъ тандадсть.