Священная история Ветхого и Нового завета (1880)/В/Ветхий/24
24. Моисеень шачомадо.
Іосифень куломадо мейле Еврейтне Египетсэ кувать эрясть; сынь пекъ раштасть. Икелень фараононь таркасъ одъ фараонъ озась; сонъ Іосифень Египетэнь кисъ паронь теемадонзо эзь содакъ. Сонъ Еврейтнень пекъ раштамостъ неезь, эстэдестъ пелеме кармась. „Сынь“, думи сонъ, „миньденекъ ламо велявтозь, изнясамизь да масторонокъ кадозь туить“. Сонъ сынстъ стака тевень тееме кармавтынзе, а сынь седіякъ раштамо кармасть. Мейле фараонъ эсензэ слугатненень кармавсь: „коле“, мери, „Евреень ава цёра эйде шачты, се эйденть маштынкъ, эле Нилсъ каинкъ ваязо“. Самой те шкане ве Евреень, Левіень племасто, цёразо шачсь. Авазо цёриненть колмо ковтъ салава трясь. Мейле сонъ нудейстэ кодазь лавсень кондямо мезе тейсь, смоласо парынестэ ведень а совамонь кисъ смолизе; эзэнзэ эсензэ цёринензэ мадьстизе да Нилонь чиресъ нудей пулосъ путызе. Путомадонзо мейле куроксто фараононь тейтерезэ се таркантень экшелеме сась. Сонъ экшелемстэнзэ нудей пулосто лавсенть неизе да саевтизе. Кода лавсенть штавтовтызе, ваны тосо мазыне цёрине аварьди. Фараононь тейтерезэ цёриненть эстензэ цёраксъ саизе. Се шкане цёриненть патязо, Маріямъ ве ёндо ванозь ащесь. Маріамъ фараононь тейтерензэ ваксъ сась да мерсь: „коле мерятъ темъ, тейтерь парочи, монъ те цёриненть андозь, симдезь кастоманзо кисъ ава муянъ тенть“. Фараононь тейтерезэ „ветякъ ино“! мерсь тензэ. Маріамъ цёриненть эсензэ дирень аванзо ветизе. [ 33 ]Цёриненть дирень авазо колмо іеть андозь, симдезь кастомадонзо мейле фараононь тейтеренстэнь туизе. Фараононь тейтерезэ Моисей лемъ путсь тензэ. Моисей фараононь кедсэ ниленькемень іеть эрясь. Сонзо Египетэнь тонавтозь ломатне эрьва, эрьва мезесъ тонавтызь