Священная история Ветхого и Нового завета (1880)/В/Ветхий/34
34. Іерихононь саезь весе Алтазь масторонть саемадонзо.
Еврейтне Іерихонъ городъ ваксъ састь да ваныть городось кеме, стѣнанзо ва а синтревить тенстъ. „Кода ней теймексъ тенекъ“? думинь. Іисусъ Навиннэнь Пазъ ёвтазь: „тынь“, мери, „вана мезе тееде: кото чинь ютамсъ эрва чистэ Закононь Коробканть Іерихононь перканзо кандозь ве разтъ ютавтынкъ. Сисемеце чистэ Закононь Коробканть сисемъ разъ городонть перка ютавтынкъ“. Кода сынь сисемеце чистэ сисемеце разтъ ютасть, Іерихонъ городонть стѣнатне сынсь сяворьдсть. Еврейтне, Раавонь семьядонзо да эстедензэ башка, Іерихононь ломатнень весеместъ чавнызь (маштнизь). Мейле Раавъ Іудань родсто Салмонъ лемсэ ломанень экшесъ мирденень лись. Давидъ инязоро Раавонь племасто ульнесь. Іерихононь саемадо мейле Еврейтне городъ мельга городъ саеме кармасть. Вейке Гаваонъ лемсэ городъ ваксо пекъ віевъ страженія ульнесь. Еврейтне лія народонть [ 48 ]ломатнень чинзэ чоподемсъ чавность, чавность, а сынь ищо авуль весе чавновкшнэсть. Іисусъ Навинъ менельсэ чинтень мерсь: „чи, аламосъ имя валгкъ“! (иля чоподь!) Тензэ душмантнень теке чистэнть весеместъ маштнемсъ охота ульнесъ несакъ. Чизэ валгома ёно лоткась да Еврейтнень весе душманостъ маштнемазостъ ощесь опакъ валгкъ. Іисусъ Навиннэнь Алтазь масторсо идолнэнь сюкунякшницятнень маштнеместъ, конататнень ліявъ пансеместъ Пазъ сонсь посублясь. Іисусъ Навинъ Алтазь масторонть ванськавтозь эрва племанень эстензэ, эрва племанень эстензэ максь эрямо тарка. Іисусъ Навинъ Алтазь масторсонть ламо а ламо эрязь кулось.