Священная история Ветхого и Нового завета (1880)/В/Ветхий/36
36. Самуилъ пророкто.
Левіянь племасто Армаѳема лемсэ городсо ве Пазонь почитаиця Елканъ лемсэ ломань эрясь. Сонзо Анна лемсэ козяйканзо эйстэ эйдензэ какшонзо араселть. Анна эйдензэ какшонзо авулемань кисъ пекъ мелявтозь аварькшниль. Еврейтнень ютксостъ коле кинь эйкакшостъ араселть, сетнень пежетевскъ ловилть: „сонзо племастонзо Идицянь неемсь, а кинень ули“, мерилть. Анна весть скиніясъ молезь пекъ усерднасто ознозь Пазонь кедстэ эйде вейшсь. «Коле», мери, «эйде максатъ темъ, Вере Пазомъ, монъ се эйденть Эсеть икелевъ служамо максса»! Пазъ сонзо инялдоманзо маризе. Аннань таго зняро шка ютазь цёразо шачсь. Сонъ тензэ Самуилъ лемъ путсь. (Самуилъ — Пазонь кедстэ вещезь). Кода Самуилнэнь колмо іензэ топодсть, авазо сонзо скиніясъ Пазъ икелевъ служамо максызе. Се шкане прявтъ священникексъ Илій лемсэ ломань ульнесь. Илій Самуилонь вишка пингстэнзэ мекъ вечкемензэ кармась. Сонъ Самуилэнь скиніясо же, эсензэ удсема таркадонзо авуль васоло удомо каднылисе. Самуилъ скиніясо эрязь Пазонь почитаямонзо эсе кадно, а седіякъ пекъ касамонзо марто Пазонь вечкемензэ кармась. Ве вене Самуилъ удоманзо пачка эйсэнзэ лемсэ «Самуилъ»! мерезь тердиця вальгей марясь. Сонъ седе куроксто стясь да Иліень ваксъ молезь мерсь: «мейсь монь тердекшнимекъ? вана монъ сынь». Илій мерсь тензэ: «азе, церамъ, удокъ! монъ тонь эйсэть эзитинь терднекъ». Самуилъ матидевкшнэсь, да эйсэнзэ тердиця вальгеенть [ 50 ]марязь одовъ сыргойсь да Илій ваксъ молсь. Илій мерсь тензэ: «монъ тонь эзитинь тердтнекъ, азе удокъ». Самуилъ колмоцеде эйсэнзэ тердиця вальгеенть марязь Илій ваксъ сась. Сестэ Илій чаркодсь: «Пазъ», мери, «тензэ пышкалесь. Самуилъ, церамъ, нейгакъ эйсэть лемсэ тердиця вальгей марятъ, такъ таркастотъ стякъ да истя мерть: «монъ, Вере Пазомъ, аудань, кулцонанъ Эйсэть»! Кода Самуилъ истя тейсь, Пазъ мерсь тензэ: «Монъ Иліень кудонзо (племанзо) кувать а кадса, куроксто ауликсъ тейса! Сонъ (Илій) эсензэ кавто Офнія да Финіесъ лемсэ цёранзо парсъ эзь тонавтъ, берять тевестъ неезь эзь лоткавтнекъ эйсэстъ». Омбоце чистэ Самуилъ Пазонь кедстэ марязь кулянть Илійнень ёвтызе. Самуилонь валонзо куроксто топодсть.
Теде мейле таго зняро шка ютазь Филистимлянъ лемсэ народъ Еврейтне марто воевамо кармасть. Еврейтнень прявтнэ „вана мезе“, мерить, „минь тейдянокъ, сестэ минь Филистимлянтнэнь изнясынекъ. Закононь Коробканть туемсъ эряви; сонъ минекъ ютксонокъ эрямо карми, сестэ минь душманонокъ изнясынекъ“. Илій Закононь Коробканть каннеме Офнія марто Фннісэнь кучинзе. Кода Закононь Коробканть Еврейтнень ютксъ кандызь, Филистимлянтнэ пекъ тандадозь кортамо кармасть: „бѣда ней“, мерить, „тенекъ: Еврейтне ютксъ самой се Пазостъ сась, Коната Египтянтнэнь изнязь ауликсъ теинзе“. Кармасть одовъ туреме. Филистимлянтнэ Еврейтнень изнизь; Офнія марто Финіесэнь маштызь; Закононь Коробкась какъ Еврейтненень эзь [ 51 ]посублякъ душманостъ изнямо: Ки Пазонь заповѣдензэ а кулцоны, сенень мезіякъ посублямо акарми.
Илій кода марясь Офнія марто Финіесэнь куломадо да Закононь Коробканть Филистимлянтнэнь кедсъ понгомадо (плѣнсъ), озадо ащема таркастонзо масторовъ празь кутмерь ловажанзо синдинзе да кулось. Филистимлянтнэ Закононь Коробканть эсестъ кедсэ кувать эзизь кирдть, мекевъ Еврейтненень кучись. Сынь авулизь кучтъ, да козой атусызь, тосо эрва ормосо сэредеме кармить ломатне, паксясо сюростъ чеерть ярсамо кармить.
Илійде мейле таго знаро шка ютазь Еврейтне судьяксъ Самуилъ пророконь путызь. Самуилъ пророконь судьяксъ эрямстонзо Еврейтненень пекъ паро ульнесь. Сонзо пингстэ Еврейтне весе идолтнэнь синтрезь аньсякъ Ве Пазнэнь сюкунякшность. Пазъ тень кувалтъ сынстъ вечксь. Самуилъ пророкъ Еврейтнень судьяксъ ниленькемень іеть ульнесь. Сонъ сыредемань пелевъ народонть судямо эсензэ цёратнень кармавтнесь. Сынь авуль тятястъ ладсо ульнесть: віедестэ эзть тейнекъ, авуль правдасто судясть. Тень кувалтъ Еврейтне Самуилонь цёратнень эсть вечкть. Весть Еврейтнень прявтъ атятне промсть да Самуилнэнь кортамо кармасть: „тонъ тонсь сыредить ней, цёратъ авуль эсеть кондятъ: сынь апарсте судить редить. Эсеть таркасъ тенекъ инязоро путъ“. Самуилъ Пазонь кевстизе. Пазъ мерсь тензэ: „вандо сы тенть ве одъ ломань; сонзо тонъ Еврейтненень инязороксъ путсакъ“.