Священная история Ветхого и Нового завета (1880)/В/Новый/08
8. Волхватнень сюкунямодостъ.
Кода Христосъ шачь, чинь стямо ёнда Волхватъ, Іерусалимсъ сазь, кевстнесть: «тесэ косо», мерить, «Іудейской Инязоро шачь? Минь чинь стямо ёно Сонзо тештензэ неинекъ да сюкунямо сынекъ Тензэ». Инязоро Иродъ, тень марязь, пекъ тандадсь: сонъ одъ инязорось таркастонзо валтсазо думась. Сонъ эстензэ сёрмасъ содыцятнень, священниктнэнь, тердезь, кевстнесь эйсэстъ: «косо», мери, «Христоснэнь шачомо эряви»? Сынь ёвтасть тензэ: «Іудеень Виѳлеемъ городсонзо: Михей пророконь книгасо истя ёвтазь: тонъ гакъ, Виѳлеемъ, Іудань ліятъ прявтъ городнэде мейсэ якъ авуль берянятъ: тонь эйстэть Прявтъ лиси; Сонъ Монь народомъ Израилень ваносазо». Сестэ Иродъ волхватнень салава тердинзе да мерсь тенстъ: «азеде ней тынь Виѳлеемсъ, тосо вишка Эйкакштонть парынестэ весе кевстнинкъ, мейле монень гакъ ёвтамо садо: монъ сюкунямо молянъ тензэ». Валхватне тутсть Виѳлеемсъ. Се тештесь, конанать сынь икеле чинь стямо ёно неизь, икелестъ ки невтезь молсь да се тарканть [ 81 ]видсэ, косо Іисусъ ульнесь, лоткась. Сынь сесэ Іисусонь муизь; сюкунясть Тензэ, кандсть Тензэ гостинецексъ сырне (золото), ливанъ (ладанъ) да смирна (тантей чійневъ ваднема). Волхватненень Пазъ онстостъ лія кіява, Ироднэнь апакъ молть, мурдамо мерсь.