Священная история Ветхого и Нового завета (1880)/В/Новый/16
| ←15-це глава. | Священная исторія Ветхаго и Новаго завѣта на эрзянскомъ нарѣчіи (1880) Новый завѣтъ. 16-це глава. |
17-це глава.→ |
| Священная исторія Ветхаго и Новаго завѣта. На эрзянскомъ нарѣчіи мордовскаго языка. Изданіе Православнаго Миссіонерскаго Общества. — Казань, типографія губернскаго правленія, 1880. — с. 88—89 |
16. Галилеянь Кана лемсэ городсо свадьбадо.
Іисусъ Христозонь, Наѳанаилонь Эстензэ тонавтыцяксъ саемадо мейле колмо чинь троксъ, тонавтницянзо марто вейсэ Кана городсъ свадьбань налксема таркасъ тердизь. Сонъ Эсензэ свадьбасонть налксемасонзо свадьбанть (мирденень туеманть, урьвакстоманть) баславизе. Свадьбанть налксемстэ кудазорось пекъ визделгалесь: виназо эль маштыль, амейсэ кудатнень каванямсъ тензэ. Пазонь авазо Марія теде чаркодсь да Цёранстэнь ёвтась: «сынстъ винастъ эзь сатотъ», мери. А Іисусъ мерсь тензэ: «эзь сакъ ищо Монь часомъ». Марія неть валтнэде чаркодсь — Цёранзо эсь славанзо невтема шказо эзь сакъ несакъ ищо; сонъ содась Цёранзо кудазоронтень посублямодонзо; мейле [ 89 ]слугатненень мерсь: «мезе Сонъ кармавты тенкъ — тееде». Тесэ кото покшъ посудатъ шлямо, нардамо ведень кирдемань кисъ ащесть. Іисусъ сеть кото посудатнень ведьте пештеместъ кармавсь. Мейле эстэстъ веденть, амольдезь, кудатнень каваницянтень кандомо мерсь. Слугатне истя тейсть. Кудатнень каваницясь веденть икеле сонсь варчизе да кудазоронтень мерсь: «те винась икелень винадонть седе ёнъ». Истя вана Іисусъ Христосъ Эсь славанзо невтизе. Теде мейле тонавтницянзо кемеме кармасть Эзэнзэ.