Священная история Ветхого и Нового завета (1880)/В/Новый/40
40. Іисусъ Христозонь Іерусалимсъ совамодо.
Инечиде кото чинь пева Іисусъ Эсь тонавтницянзо марто Виѳаніясто Іерусалимсъ тусь. Кода сынь Елеонской (масличной) пандо прясъ куйсть, Виѳфагія лемсэ веле видсъ пачкодсть, сестэ Іисусъ кавто тонавтницянзо, Петрань марто Іоаннонь кучинзе да мерсь тенстъ: „азеде видстэ каршонкъ ащиця велентень, тосо сюлмазь осёлъ муйдядо, вашинезэ якъ ваксонзо; сынстъ уксезь туинекъ тей Монень; коле ки мезіякъ мери тенкъ, тынь истя ёвтадо тензэ: сынь Тонавтыцянокъ туртовъ эрявить, мереде, сонъ [ 119 ]кирдеместъ акарми, нолдасынзе“. Тонавтницянзо молсть, Іисусонь мереманзо кувалтъ тейсть. Сынь осёлэнь вашинензэ марто, муизь да, сюлмазь таркастонзо уксезь, туизь; лангостъ эсь одюжасостъ велтизь. Мейле Іисусъ Христосъ лангозостъ озась. Ламо ломать Христозонь кинзэ лангсъ осёлтнэнь пильгестъ аловъ эсь одюжастъ, лангстостъ каязь, ацнесть, конатъ ломатне чувто лангсто илейть печксезь кинть лангсъ кайсесть. Кода Сонъ видезэстъ пачкодсь, сынь кеместэ сейресть: „Осана Давидэнь Цёранстэнь! Нишке Пазонь лемсъ сыцясь баславазь! менельсэ Осана“!
Іисусъ Христосъ, Іерусалимсъ сазь, церкувасъ совась; микшницятнень, рамсицятнень весеместъ панинзе да мерсь тенстъ: „Писаніясо ёвтазь ули: „Монь кудомъ, ознома кудо лемъ тензэ“, а тынь сонзо разбоникень эрямо, кекшнема таркаксъ теинкъ“. Церкувасонть сакшность Тензэ сокуртъ, храмойть, Сонъ сынстъ весеместъ віемтинзе. Церкувасо улнезь эйкакшкетне якъ (пакшатне) „Осана Давидэнь Цёранстэнь“! мерезь пижнесть. Прявтъ священниктне, сёрмасъ содыцятне Іисусонь чудатъ тейнеманзо неезь, церкувасо эйкакшкетнень Тензэ пижнемастъ марязь, пекь досадявсть несакъ: сынь Іисуснэнь мерсть: „марятъ Тонъ, сынь месть кортыть“? Іисусъ мерсь тенстъ: „марясынь. Эле тынь Писаніясо знярдо якъ эзиде ловнокшнокъ? тосо истя ёвтазь тарка ули: „вишка эйкакшкетнень, (потяка эйкакшкетнень) кургсостъ Тонь шнамотъ кармавтанъ“ (Псал. 8, 3). Іисусъ Іерусалимстэ мекевъ Виѳаніясъ тусь; тосо Сонъ вень перть улнесь.