Священная история Ветхого и Нового завета (1880)/В/Новый/43
43. Іисусонь Эсь міицянзо да Петрань Эстэнзэ сёпомадо ёвтамозо.
Іисусъ Христосъ Тайной вечерстэ столь экшсэ озадо ащемстэ Эсензэ тонавтницятненень ёвтась: „вейкенкъ“, мери, „тынкъ эстэденкъ Монь мійсамамъ“. Весе, тандадозь, кевстнесть: «Тонавтыцямъ, эле монъ мійдянъ! Эле монъ мійдянъ»! Іуда Искаріотсто истяжа, кортась: «эле а монъ ли»! Іисусъ мерсь тензэ: «ина, тонъ»! Неть валтнэнь Сонъ пекъ стамбарнэ ёвтынзе ліятъ тонавтницянзо вейкестъ какъ эсть марякъ. Іисусонь вечкема тонавтницязо кевстизе: «Тонавтыцямъ, ки ули Тонь міицятъ»? Іисусъ салава ёвтась тензэ: „севате, конатанень Монъ, навазь, сускомо максанъ». Сонъ сускомо навазь Искаріотсто Іуданень максь. Іуда кодакъ сэвизе се сускомонть, сескэ столь экшстэ стясь. Іисусъ мерсь тензэ: „мезе теятъ, седе курокъ теикъ“! Неть Іуданень ёвтазь валтнэде Іоанндо башка кіякъ эзь содакъ. Ліятъ тонавтницянзо Іисусъ Іудань [ 123 ]эле праздникень кисъ мезень гакъ рамамо кучизе, эле нищейтненень мезеньгакъ максомо кучизе думастъ.
Кода Іуда тусь, Іисусъ ліятъ тонавтницятненень ёвтась: „чечень вене тынь весе сёптадо Моньдемъ: Писаньясо якъ ёвтазь ули: „ваныцянть чавса (изняса), а реветне стадастонзо весе стралить“. Монъ велмемадомъ мейле Галилейсэ каршозонкъ лисянъ“ (понганъ). Петра Тензэ мерсь: „хоть весе сёпить Эстэдеть, монъ знярдо якъ а сёпанъ. Монъ Тонь мартотъ и темницясъ, и куломо молянъ“. Тень лангсъ Іисусъ мерсь тензэ „видестэ кортанъ тенть: тонъ, чечень вене атякшонь морамсъ колмсть сёпатъ Эстэдемъ“. Теде мейле Іисусъ Христосъ Эсь тонавтницятнень марто Іерусалимстэ Елеонской пандо ваксо Гиѳсиманія лемсэ велесъ тусь.