Секыт ивор кылӥськиз,
Ильич-Ленинмы кулӥз…
Капык кӧтэз со чигиз,
Куректон югдур луиз…
Сюрес сётӥсьмы быриз,
Айытэм кадь со кельтӥз.
Чик сайкантэм со изиз,
Вунэтонтэм но луиз!
Быдэс дуннеысь ужез
Огназ кадь со бергатӥз.
Умой чебер сюресэз
Калыклы со возьматӥз.
Солэн кулонэз шоры
Кенеш люканы ватсаз.
Ленин эш кулон доры
Юри ӧтем кадь тупаз.
«Та дырозь огнам ужай,
Мон кулӥсько табере;
Визьмо кылъёс но верай,
Монэ воштэ-ужалэ!
Дэмендылы сётӥсько,
Одӥг кылысь ужалэ;
Мон… бер… пумзэ… верасько, —
Ог, ке-не-шен… тӥ… мынэ…»
Озьы шуса верам кадь
Кулонэз солэн кошкиз.
Тупатыса мертам кадь
Кулон нуналэз вуиз.
Ог ласянь ке уськоно,
Кулӥз асьме Ленинмы;
Котырак ке малпано,
Уз на бырна Ильичмы.
Мугорыз солэн кулӥз,
Музъеме но согозы.
Ужам ужез нош кылиз,
Кылъёсыз но кылизы.
Карл Маркс но кулэмын,
Солэн кылыз бырымтэ.
Ужъёсыз но кылемын,
Али ке но бырымтэ.
Маркслэн верам сюрестӥз,
Ильич асьмеды нуиз.
Ленин эшлэн сюрестӥз,
Дэмен мыном пытьытӥз.
Ленин эшмы дышетӥз,
Тау кароме туж солы!
Ӟеч сюресэз возьматӥз,
Вунэтонтэм Ильичмы…
