Сирӓлтӓльӹц

Сигачков Зосим Африканович

Сирӓлтӓльӹц

Ниӓлтӓлшӓш ыльы хоть кидетӹм –
Сирмӓш сага толде тӹдӹ ач.
Ӹшкетемжӹ мам ӹнде раведӓм?
Парняэтвлӓт кишӓ тӹштӹ лач.

Ак вӓшли пӹсӹ анжалтыш тӹньӹн.
Юкым ак пу кок пышкыды ял.
Ак шагал лывыргы кӓпет кӹньӹл,
Тотлы тӹрвӓн вуйым мадыктал.


Ивлӓн тӹтӹрӓшкӹлӓ ашкедӹн
Тидӹ, цӓшӓн жеп, цилӓгеок.
Ниӓлтӓлшӓш ыльы хоть кидедӹм
Дӓ амален кешӓш тырынок…

2010 и