Советской Социалистической Республикатнень Союзонь Конституциясь (1936)/1938.01.15/06

←

Советской Социалистической Республикатнень Союзонь Конституциясь (1938)
СССР-нь Верховной Совет, edited by Учаев Д., Зубов И., Лукьянов П.

VI Глава

VII Глава

→

Советской Социалистической Республикатнень Союзонь Конституциясь (Основной Законось). Мордгиз, 1938, Саранск. — с. 25—27

152992Советской Социалистической Республикатнень Союзонь Конституциясь — VI Глава1938СССР-нь Верховной Совет

[ 25 ]

VI ГЛАВА

Союзной республикатнень государственной управлениянь органтнэ

79 СТАТЬЯ. Союзной республикань государственной властень исполнительной ды распорядительной высшей органокс ашти Союзной республиканть Народной Комиссартнэнь Советэсь.

80 СТАТЬЯ. Союзной республикань Народной Комиссартнэнь Советэсь ответственен Союзной республиканть Верховной Советэнзэ икеле ды сонензэ подотчетной, Союзной республиканть Верховной Советэнь сессиятнень ютксо шкастонть жо — Союзной республикань Верховной Советэнь Президиумонть икеле, конанень подотчетной.

81 СТАТЬЯ. Союзной республикань Народной Комиссартнэнь Советэсь нолдтни постановленият ды распоряженият СССР-нть ды Союзной республиканть действующей законтнэнь, СССР-нь Народной Комиссартнэнь Советэнть постановлениятнень ды распоряжениятнень коряс ды сынст топавтомаст кис ды провери сынст тевс ютавтоманть.

82 СТАТЬЯ. Союзной республикань Народной Комиссартнэнь Советэнть ули правазо [ 26 ]лоткавтнемс автономной республикань Народной Комиссартнэнь Советнэнь постановленияст ды распоряженияст ды отменять краень, областень ды автономной областень трудицянь депутатнэнь Советнэнь исполнительной комитетнэнь решенияст ды распоряженияст.

83 СТАТЬЯ. Союзной республикань Народной Комиссартнэнь Советэнть образует Союзной республикань Верховной Советэсь составсо:

Союзной республикань Народной Комиссартнэнь Советэнь председатель;

Председателень заместительть;

Государственной плановой комиссиянь председатель;

Народной Комиссарт:

Пищевой промышленностень;
Легкой промышленностень;
Лесной промышленностень;
Земледелиянь;
Зерновой ды животноводческой совхозтнэнь;
Финанстнэнь;
Торговлянь;
Внутренней тевтнень;
Юстициянь;
Здравоохранениянь;
Просвещениянь;
Местной промышленностень;
Коммунальной хозяйствань;
Социальной обеспечениянь;

Искусствань тевтнень коряс управлениянь начальник;

Общесоюзной Народной Комиссариатнэнь уполномоченнойть.

84 СТАТЬЯ. Союзной республикань Народной Комиссартнэ ветить государственной [ 27 ]управлениянь отраслятнень, конат совить Союзной республиканть компетенцияс.

85 СТАТЬЯ. Союзной республикань Народной Комиссартнэ соответствующей Народной Комиссариатнэнь компетенцияст пределтнэсэ нолдтнить приказт ды инструкцият СССР-нь ды Союзной республикань законтнэнь, СССР-нь ды Союзной республикань Народной Комиссартнэнь Советнэнь постановленияст ды распоряженияст коряс, СССР-нь союзно-республиканской Народной Комиссариатнэнь приказост ды инструкцияст коряс ды сынст тевс ютавтоманть кис.

86 СТАТЬЯ. Союзной республикань Народной Комиссариатнэ савить союзно-республиканскойкс эли республиканскойкс.

87 СТАТЬЯ. Союзно-республиканской Народной Комиссариатнэ ветить руководства государственной управлениянь порученной тенст отраслясонть, подчиняются кода Союзной республикань Народной Комиссартнэнь Советэнтень, истя жо СССР-нь союзно-республиканской соответствующей Народной Комиссариатонтень.

88 СТАТЬЯ. Республиканской Народной Комиссариатнэ ветить руководства государственной управлениянь порученной тенст отраслясонть, подчиняются видьстэ Союзной республикань Народной Комиссартнэнь Советэнтень.