Советской Социалистической Республикатнень Союзонь Конституциясь (1936)/1938.01.15/11
| ←X Глава | Советской Социалистической Республикатнень Союзонь Конституциясь (1938) , edited by Учаев Д., Зубов И., Лукьянов П. XI Глава |
XII Глава→ |
| Советской Социалистической Республикатнень Союзонь Конституциясь (Основной Законось). Мордгиз, 1938, Саранск. — с. 40—41 |
Кочкамонь системась
134 СТАТЬЯ. Весе трудицянь депутатнэнь Советнэс депутатнэнь кочкамотнень: СССР-нь Верховной Советс, союзной республикатнень Верховной Советнэс, краень ды областень трудицянь депутатнэнь Советнэс, автономной республикатнень Верховной Советнэс, автономной областень трудицянь депутатнэнь Советнэс, округонь, райононь, ошонь ды велень (станицань, деревнянь, хуторонь, кишлаконь, аулонь) трудицянь депутатнэнь Советнэс, — ютавтыть кочкицятне всеобщей, равной ды прямой кочкамонь праванть коряс, тайной голосованиянь пингстэ.
135 СТАТЬЯ. Депутатнэнь кочкамотне савить всеобщейкс: СССР-нь весе граждантнэнь, конатнень топодсть 18 иест, сынст расовой ды национальной принадлежностест, вероисповеданияст, образовательной цензэст, оседлостест, социальной происхожденияст, имущественной положенияст ды икелень деятельностест лангс апак вано, ули праваст участвовамс депутатнэнь кочкамосонть ды улемс кочказекс, умалишеннойтнеде ды сеть ломантнеде башка, конатне судсо судязь кочкамонь праваст саема марто.
136 СТАТЬЯ. Депутатнэнь кочкамотне аштить [ 41 ]равнойкс: эрьва гражданинэнть ули вейке вайгелезэ; весе граждантнэ участвовить кочкамотнесэ вейкеть основаниятнень коряс.
137 СТАТЬЯ. Аватнень улить праваст кочкамс ды улемс кочказекс вейкетьстэ цератнень марто.
138 СТАТЬЯ. Граждантнэнь, конат служить Якстере Армиянь рядтнэсэ, улить праваст кочкамс ды улемс кочказекс вейкетьстэ весе граждантнэнь марто.
139 СТАТЬЯ. Депутатнэнь кочкамотне аштить прямойкс: весе трудицянь депутатнэнь Советнэс кочкамотнень, велень ды ошонь трудицянь депутатнэнь Советнэстэ ушодозь СССР-нь Верховной Советэнть видьс, ютавтыть граждантнэ непосредственна прямой кочкамосо.
140 СТАТЬЯ. Депутатнэнь кочкамсто голосованиясь тайной.
141 СТАТЬЯ. Кочкамотнестэ кандидатнэнь аравтнить кочкамонь округтнэва.
Кандидатонь аравтомань права максови общественной организациятненень ды трудицянь обществатненень: коммунистической партийной организациятненень, профессиональной союзтнэнень, кооперативтнэнень, од ломанень организациятненень, культурной обществатненень.
142 СТАТЬЯ. Эрьва депутатось обязан кочкицятненень тейнемс отчетт эсь роботадонзо ды трудицянь депутатнэнь Советэнть роботадонзо ды кочкицятнень покш пельксэнть решениянзо коряс может улемс эрьва шкасто тердезь мекев законсонть аравтозь порядоконть коряс.