Советскяй Социалистическяй Республикань Союзть Конституцияц (1936)/1938.01.15/05
| ←IV Главась | Советскяй Социалистическяй Республикань Союзть Конституцияц (1938) V Главась |
VI Главась→ |
| Печатлаф: Мордгиз, 1938, Саранск. Примазень СССР-нь Верховнай Советть 1-це Сессияц. |
V ГЛАВАСЬ
Советскяй Социалистическяй Республикань Союзть государственнай управлениянь органонза
64-це статьясь. Советскяй Социалистическяй Республикань Союзти государственнай властень высшай исполнительнай и распорядительнай органкс ащи СССР-нь Народнай Комиссаронь Советсь.
65-це статьясь. СССР-нь Народнай Комиссаронь Советсь ответственнай СССР-нь Верховнай Советть инголе и теенза подотчетнай, а Верховнай Советть сессиянзон йоткста периодть — СССР-нь Верховнай Советть Президиумонц инголе, конанди подотчетнай.
[ 15 ]66-це статьясь. СССР-нь Народнай Комиссаронь Советсь издает постановленият и распоряженият действующай закоттнень коряс и синь исполненияснон инкса и проверяндакшнесыне синь исполненияснон.
67-це статьясь. СССР-нь Народнай Комиссаронь Советть постановлениянза и распоряжениянза обязательнайхть исполнениянди СССР-ть сембе территориянц лангса.
68-це статьясь. СССР-нь Народнай Комиссаронь Советсь:
а) об'единяет и максси направления СССР-нь общесоюзнай и союзно-республиканскяй Народнай Комиссариаттнень и теенза лия подведомственнай хозяйственнай и культурнай учреждениятнень работаснонды;
б) примси мерат народно-хозяйственнай планть, государственнай бюджетть эряфс йотафтоманц колга и кредитно-денежнай системать кемокстаманц колга;
в) примси мерат общественнай порядкать обеспечениянц, государствать интересонзон арелямаснон и граждаттнень праваснон ванфтомаснон инкса;
г) мольфти общай руководства лия странань государстватнень мархта сношениянь областьса;
д) определяет действительнай военнай службас терьневи граждаттнень эрь кизонь контингентснон, вяти руководства странать вооруженнай виензон общай строительстваснон лангса;
е) образовандай, кда эрявксты, СССР-нь Народнай Комиссаронь Советть видеса хозяйственнай, культурнай и обороннай строительствань тефнень колга специальнай комитетт и Главнай управленият.
69-це статьясь. СССР-нь Народнай Комиссаронь Советть ули правац лоткафнемс союзнай республикатнень Народнай Комиссаронь Советснон постановленияснон и распоряженияснон управлениянь и хозяйствань ся отраслятнень эзга, конат путфт СССР-ть компетенцияс и отменять СССР-нь Народнай Комиссархнень приказснон и инструкцияснон.
70-це статьясь. СССР-нь Народнай Комиссаронь Советть образует СССР-нь Верховнай Советсь тяфтама составса:
СССР-нь Народнай Комиссаронь Советонь председательсь;
СССР-нь Народнай Комиссаронь Советть председателенц заместителенза;
СССР-нь Государственнай плановай комиссиянь председательсь;
Советскяй контролень Комиссиянь председательсь; [ 16 ]СССР-нь Народнай Комиссархне;
Искусствань тефнень колга Комитетонь председательсь;
Высшай школань тефнень колга Комитетонь председательсь;
Государственнай Банконь Правлениянь председательсь.
71-це статьясь. СССР-нь Правительствась или СССР-нь Народнай Комиссарсь, конатненди максф СССР-нь Верховнай Советть депутатонц эзда кизефкс (запрос), обязатт аф колма шида поздна максомс соответствующай палатаса устнай или письменнай ответ.
72-це статьясь. СССР-нь Народнай Комиссархне вятихть руководства государственнай управлениянь отраслятнень лангса, конат сувсихть СССР-ть компетенцияс.
73-це статьясь. СССР-нь Народнай Комиссархне соответствующай Народнай Комиссариатонь компетенцияса ноляйхть прикаст и инструкцият действующай закоттнень коряс, а станя жа СССР-нь Народнай Комиссаронь Советть постановлениянзон и распоряжениянзон коряс и синь исполненияснон инкса и проверяндакшнесазь синь исполненияснон.
74-це статьясь. СССР-нь Народнай Комиссариаттне ащихть или общесоюзнайкс или союзно-республиканскяйкс.
75-це статьясь. Общесоюзнай Народнай Комиссариаттне видеста синць или синь ширдест назначандаф органтнень вельде вятихть руководства СССР-нь марнек территорияса теест максф государственнай управлениянь отраслять лангса.
76-це статьясь. Союзно-республиканскяй Народнай Комиссариаттне, кода правила, вятихть руководства теест максф государственнай управлениянь отраслять лангса союзнай республикань одноименнай Народнай Комиссариаттнень вельде и видеста синць вятихть руководства аньцек определеннай предприятиянь ограниченнай лувксонь лангса, конатнень спискасна кемоксневи СССР-нь Верховнай Советть Президиумса.
77-це статьясь. Общесоюзнай Народнай Комиссариатокс лувондовихть тяфтама Народнай Комиссариатт:
- Оборонань;
Иностраннай тевонь;
Внешняй торговлянь;
Путей сообщения;
Связень;
Воднай транспортонь;
Тяжелай промышленностень;
Обороннай промышленностень;
Машиностроениянь;
Военно-Морской флотонь;
Заготовкань.
- Оборонань;
[ 17 ]78-це статьясь. Союзно-республиканскяй Народнай Комиссариатокс лувондовихть тяфтама Народнай Комиссариатт:
- Пищевой промышленностень;
Легкай промышленностень;
Лесной промышленностень;
Земледелиянь;
Зерновой и животноводческяй совхозонь;
Финансонь;
Торговлянь;
Внутренняй тевонь;
Юстициянь;
Здравоохранениянь.
- Пищевой промышленностень;