Султэ, изись удмуртъёс! (Иванов)

Султэ, изись удмуртъёс! Автор: Антон Иванов

Источник: Гудыри : газет. — 1924. — № 89. — 3-тӥ бам.

Султэ, изись удмуртъёс!

Султэ, изись удмуртъёс!
Тырмоз. Кема изиды.
Уське сайкам эшъёстэс,
Ужало ини туж шаплы.

Вапум вуиз вырӟыны,
Соос кадик ужаны.
Асьме уд областьмылы
Вань кужмысь юрттыны.

Эн малпалэ табере,
«Гожмо шыр» уз ни шуэ.
Кышкатэк потэ кыре
Областьмылы ужалэ.

Али гинэ ӝужасьмылы
Юрттын кулэ, удмуртъёс,
Ӧжыт улса со асьмелы
Уно берыктыса сётоз.

Возьвылэ потэм италмас
Мушез витьыса сылэ
Али ӝужам удмурт область
Юрттэммес витьыса улэ.

---