Сщ҃е́нное є҆ѵⷢ҇лїе/Предисло́вїе, е҆́же ѿ ма́рка ст҃а́гѡ є҆ѵⷢ҇лїа

А҆́ще бꙋ́кви непра́вилнѣ зрѧ́тсѧ, грѧдѝ сѣ́мо, да грамматоси́ры є҆́млеши.

←Е҆́же ѿ ма́рка ст҃а́гѡ є҆ѵⷢ҇лїа главы̑

Сщ҃е́нное є҆ѵⷢ҇лїе Предисло́вїе, е҆́же ѿ ма́рка ст҃а́гѡ є҆ѵⷢ҇лїа

Ѿ ма́рка ст҃о́е бл҃говѣствова́нїе→

This page contains Church Slavonic text. Without proper font support, you may see question marks, boxes, or other symbols instead of letters and diacritics. Click here to download required fonts.

Предисло́вїе

е҆́же ѿ ма́рка ст҃а́гѡ є҆ѵⷢ҇лїа.

Є҆́же ѿ ма́рка ст҃о́е є҆ѵⷢ҇лїе, по десѧти́хъ лѣ́тѣхъ хрⷭ҇то́ва вознесе́нїѧ, спи́сано бы́сть въ ри́мѣ. Бѣ̀ ᲂу҆́бѡ се́й ма́рко петрꙋ̀ ᲂу҆чени́къ же и҆ послѣ́дователь, є҆го́же и҆ сы́на своего̀ и҆менꙋ́етъ пе́тръ, дх҃о́внаго ꙗ҆́вѣ, ꙗ҆́кѡ нарица́шесѧ і҆ѡа́ннъ, а҆неѱе́й же варна́вѣ, но и҆ па́ѵлꙋ соисхо́денъ: ѻ҆ба́че ᲂу҆́бѡ съ петро́мъ пребыва́ше мно́жае, и҆ въ ри́мѣ съ ни́мъ сы́й. Моли́ша ᲂу҆́бѡ є҆го̀ и҆̀же въ ри́мѣ вѣ́рнїи, не то́чїю без̾ писа́нїѧ проповѣ́дати, но и҆ писа́нїемъ и҆зложи́ти тѣ́мъ, ꙗ҆́же ѡ҆ хрⷭ҇тѣ̀ кꙋ̑пли: є҆два̀ ᲂу҆̀бо повинꙋ́всѧ списа̀. Петрꙋ́ же ѿкрове́но бы́сть ѿ бг҃а, ꙗ҆́кѡ ма́рко списа̀ благовѣ́стїе: ви́дѣвъ ᲂу҆́бѡ и҆ и҆звѣ́ствовавъ, ꙗ҆́кѡ и҆́стинно, та́же є҆пі́скопа є҆го̀ посла̀ во є҆гѵ́петъ, и҆дѣ́же и҆ проповѣ́давъ. Въ а҆леѯандрі́и же цр҃ковь соста́ви: къ полꙋ́деннѣй странѣ̀ всѣ́хъ просвѣтѝ. Є҆́сть же начерта́нїе є҆ѵⷢ҇лїа ꙗ҆́вственно, и҆ ничто́же и҆мꙋ́щее покрове́нно: прибли́зъ же по всѣ̑мъ матѳе́еви сти́четъ се́й є҆ѵⷢ҇лі́стъ, ра́звѣ ꙗ҆́кѡ матѳе́й простра́ннѣйше. И҆ ꙗ҆́кѡ ᲂу҆́бѡ матѳе́й є҆́же по пло́ти рожде́нїе гдⷭ҇не, въ нача́лѣ помина́етъ: се́й же ѿ проро́ка нача́тъ і҆ѡа́нна. Слы́ши ᲂу҆̀бо что̀ речѐ: Зача́ло є҆ѵⷢ҇лїа і҆и҃са хрⷭ҇та̀.

This is a translation and has a separate copyright status from the original text. The license for the translation applies to this edition only.
Original:
Translation: