Табипҡа

← Бер шағирға

Табипҡа (Шиғыр) автор Лилиә Һаҡмар

Табип - ҡояш →

Ижад итеү ваҡыты: 1998. Өфө. Нәшер ителгән: 2006. Сығанаҡ: Һаҡмар Л. Эстафета: Шиғырҙар, поэма. – Өфө: Китап, 2006. – 176 бит. (130-сы бит) ISBN 5-295-03798-3

ТАБИПҠА

Хәлгенәмде йәшермәйсә
Әйтсе миңә, доктор,
Бер ҡасан да төҙәлмәҫлек
Минең сирем юҡтыр?
Был һорауҙан ҡурҡыуыңды
Күҙҙәреңә йәшер,
Күңелемдең баҫыуҙары
Һары түгел, йәшел!
Юҡ, өндәшмә, ә бары тик
Һин яныма ултыр,
Йәнә ҡабыҙ йөрәгемдә
Йылы йәшәү утын...

Шым ғына беҙ ултырайыҡ –
“Йәшенмәкле уйын”.
Ә сир мине юғалтһын да,
Әйҙә эҙләй торһон.
Ҡасан килеп тапҡанынса
Тауышланма, доктор!
Ер йөҙөндә төҙәлмәҫлек
Һис бер сир ҙә юҡтыр…
Доктор?!

---

Иҫкәрмәләр

• Авторҙың башҡа әҫәрҙәре Author:Лилиә_Һаҡмар