Татю (книга)/Татю/2 пелькс/4
IV
Се шкадонть мейле, кода Иванонь саизь войнав ютась цела ие. Кирпицень заводось кадовсь апак сроя.
— Эх порксасамизь Германия. Минек начальствась покшт измень тейни.
— Седекилеяк эрьсисть войнат. Яла Россиясь покорякшнынзе...
[ 34 ]— Дыно мезе, намо изменат, коли инязоронть козяйказо германиянь инязоронь тейтерь.
— Зняро верь валы те войнась, господи... Пурнавить салдаткатне ве куцяс ды пеняцить эрямо чист лангс, войнанть лангс.
Алкукскак пеняцямс ульнесь мезе лангс.
Ансяк акинень ульнесь пеняцямс. Варштат нуима ланга. Уматне лангсо тейтерть, ават, атят ды од церат Пек пиштевсь велесь войнань шканть эйстэ. Ламо сельведть правсть аватне цераст мельга. Нитне мирьдест кисэ, эйкактшнэ — тетяст мельга.
А, Татю?
Татю сельведь эсь правт. Ух—вайх эзь мерь. Ней бу сонськак согласяволь молемс войнав, ансяк мештесэнзэ эйкакш. Сон ансяк тусь лыткарь Петянь Иванон икельде — аватне ютксто, каршозонзо вастсь Польтянь Андрей.
— Шумбрат, Татю?
— Эрян яла...
— Те Иванонь лукш кедьсэть?
— Несак чай колотканть.
— Да. Колоткась сонзо лаксевть. Няро шказо?
— Омбоце ие курок топоде.
— А... вискстэме, — Андрей токизе эйкакшонть — Авалгонят аванть кедьстэ.
Эйкакшось кутмордызе аванть ды пейдезь кекшезе вановтонзо Татюнь мештьс.
— Тошнаить мирьдень кисэ?
— Вай, иля корта ради бога. Кулозо тоск венамезэ. Само кинть больше иляссо ней.
— Атявтось кода?
— Куть евтнить валон куть илеть, видстэ мерян — сатана. Поназояк мик ведунонь.
— Берянь эрямот, Татю, хоть улинк паронк ламо...
— Монь штоли?
Эйкакшось оймась кедезэнзэ Сынсь чувтомсть карадо каршо. Андрей мазыйстэ варштась. Мелезэ ульнесь конштамс. Седеезэ такода ношкамсь. Ведь [ 35 ]соннянзо уле мезде кортамс Татю марто. Ведь сон подпольной организациясто сайсь обезательства, кодаяк ды Татюнь кортамс тов. Превензэ чопавсть чопода потмаксос. „Бутем амоли ды евты атявтонстэй“ — кармась думамо Андрей.
Татю аштесь истяжо ковгак эзь черька ды местькак эзь корта. Вармась лыйкае новолевть кудряв черензэ.
— Татю, — пшкаць Андрей. — Мольдян чокшне больниця латков а?
— Тон месть? — Сонсь чаравсь прясонсо.
— Татю простямак. Мон можо а истя молинь тонь сознанияс. Мон местькак берять а арсян. Ламо кортамот эрявить мартот кортамс.
Тонсь думик. минек лангс кода ваныть велесэнть. Мон уш а карман кортамо эсинь эйстэ. Вана тонсь, нярошка неить нужа чи, ютавтат стака пинге. Чави эйсэть мирьдеть, чави атявтот, чави ававтот чави эйсэть се кие ансяк а нузялды...
— Андрей, корьминецькем, иляк калавт седеем. Мон ламоксть алтния прям сюпавтненень кежень пандомс. Монь седейсэ течемс прок салмукс пезнавтозь тетянь маштома чись, монь седейсэ, колиякс ашти пезнавтозь силой мирьденень максомась. Истяжо а евтавитькак кода сэредить неть чавоматне. Мон валом аполавса! Куломозон кежень пандтлесэнь!..
Татю аварьдезевсь. Каргодсь панар ожасонзо нардыньзе сельведензэ.
— Паньдя, Татю. Ансяк листь чокшне.
— А сода кода седе... вадря
— Листь!
— Пелян мезеяк илязо теев.
— Кемемак, Татю, што монь ламо валон кортамс тонеть. Тесэ, ульця куншкасо минек кортамонтень а тарка. Велесэ ломатне пек чоподат, мезе араськак сеньгак полалесызь.
— Ну эно молян. — Сонсь мазыйстэ варштась Андреень шачонтень.
— Прощай, — Андрей максызе кедензэ. Татюнь пси [ 36 ]коморось солась Андреень коморо потс. Кода тусь Андрей, Татю кувать вансь мельганзо. Сон овсе эзь сода месть арси кортамо Андрей. Эйстэнзэ арсесь эрьва кода. Сон согласясь молеме аволь секс, штобу сюлмавомс мартонзо алужокс. Коть Андрей пек тусь мелезэнзэ, яла теке теде соды ансяк сонсь. Ды сонстензэяк а шка эщо содамс теде. Седеезэ тусь эйзэнзэ секс, што сон Андреень вановтсо несь такодамо паро простой жалямо мель.
Чокшненть, ансяк чизэ чопавтсь виренть экшс, Татю тусь больниця латков. Больниця латкось ульнесь Чихан пандонть удало. Латконть кавто чирева нурксесть пешкст. Лопаст уш ожолгадсть. Латко потмаксканть чудесь ведь. Те ведесь чуди лисьмасто. Сон пандонть алдо човалякс цитнесь кольги якстере кевнетне юткова. Те латксонть сэтьме. Ансяк вирь уфтось нуряксне вармадонть ды васоло чикорды коське пой. Такодамо пелемка сайдянзат. Истя лекшкады седееть мик амарявияк кода токны мештесэть
Кода Татю валгсь те латконтень, кельме коштось тапардавсь перьканзо мик рикстядизе рунгонзо. Сон аштесь аламос, кияк арасель. Мелезэ ульнесь рангстамс, но сэтьмесь лепштизе вайгелензэ. Лисьманть велькстэ — крестонть экшстэ, коната ламо иеть ашти те латконть чиресэ, лиссь Андрей ды вешкстазевсь Татюнь удало — Ф-уррь!..
Татю васня тандадсь Но ведь пелемс ульнесь эщо амезде. Венельксэсь паро ладсо эзь чопоте ды теке марто ськамонзо. Аволь цера вакссо — „мерян, што скал вешнеме сынь ды паро“. Истя арьсезевсь эсь потмованзо. Апак пель варштась удалов.
— Сыть?
— Да... сынь...
— Вадря, Татю, — валот эзик полавт...
— Месть евтниксылить — кортак.
— Арьсян, што тон монь валон трокс апрат... кунсолосамак педе пес. Теке марто каршо вал арьсянь а евтат согласят монь кортавтонть марто.
Татюнь кирнявсь седеезэ пиже пештень товкс. [ 37 ]Рунгованзо тусть коткудавт. Сон эзь мерь „да“ эзь мерь каршо вал. Яла теке не валтнэ эсть чарькодеэть секс мик истямо кортавттонть нильтякадсь седеезэ.
— Минь тезэнь пурнавинек ламоненек. Пурнымизь эсинек велень ломань — Верьгез Микита. Остаткатнеяк весе содавикст: Кромой Кузьма, Олевонь колмонест цератне ды лият. Тонь сельметь нее кода мастор лангсо эрить беднойтне. Тон тонсь несыть, кода тонь жо атявтот Каргонь Лютя марто ваткить подушнойть. Тон тонсь несыть, няро ломань сы войнасто калекакс, няро жо маштовить тоско, няро жо кулыть ормасо ды вачодо. Те весе несчастной долясь пры минек сявдекс лангс. Вант няро ава страдаить. Вант, кода сынь пужить церань коморо потмос. Вал мирьдест каршо иляст евта. Минь лездатам большевикень организациянтень. Чарькодть, што тедиде прядсызь войнанть, ерсынек инязоронть, машнесынек сюпавтнень. Вот тень теемс, тень тевс ютавтомс тон минянек можешь лездамо...
Татю аламодо потазевсь. Андрей кундызе кедьте, таргизе малазонзо.
— Аштек, туеме иля снартне. Тон евтык ули эли арась мелеть роботамс минек марто. Бутим ули, сестэ адя станозонок. — Татюнь саизе дрожь. Пеензэ снартневсть чавовомо вейс, сон кеместэ свистизе челюстензэ. Якшамо, — пшкадсь Татю — Сон арсесь менеме Андрень кедьстэ, но ледсть ютань потань тевтне. Ледсь се, кода амезень кисэ маштызь тетянзо. Тетянзо куломась оконеке мекевланк велявтызе потмонзо. Варштась се лангс, кода алкукскак сонзэ лангсо нарьги семиясь. Неть весе стака эрямотне полавтызь Андреень вастоманть лангс ваноманзо.
— Прянек пильгенек алтаса эсь прям туремантень. — Сон смелстэ варштась Андреень сельмес ды кеместэ сювордызе кедензэ.
Кода пря велькска чопавсть вирентень, Татюнь покшолгадсь смел чизэ. Сонзэ кирьвайсь турема мелезэ, героизмазо. Сон ней анок сядонь пачка таргамс эрьва апаронть, конань тейнизь тензэ сюпавтнэ. Кедь [ 38 ]санганзо кольги лаки верь. Ансяк кармасть новолеме Курган пандо штекаванть, латко потмакссонть, чоподанть пачк, цитнезевсь плескашка тол. Валдозо эшкеневиль чувтнэнь эйс. Верень кепетець такодамо ашо тусто качамо. Тол паньдянть перька ойсезь алкукс содавикст. Татю здоровакшнось мартост.