Татю (книга)/Ягань Иван манявсь
Кудосонть ломатне весе содавикст: Лыткарь Васька, Ларькань Егоронь Боря, Иванушкань Егор, Даньчань Дрига, Долгай Иван, Аляка атя. Не ламантне пек вейкеть. Ансяк Иванушкань Егор юткстост прок сал седей ды сех од.
Аламос аштезь совась Ягань Иван.
— Мир вам!
— Вырвался беги...
Носказь отвечась Васька...
— Ну, Алексей Семеныч, роштува, юткось эрси весть... завдяка евкске! — Кармась кортамо Боря.
Яганьсесь обидявсь, кода эно а обидявомс; сон мастор алга китненьгак содасынзе, евксткак машты евтнеме, ансяк сонзо евкстне седейс а педить. Секс яла энялдсь Аляка атя икеле.
— Те кизэстэнть причудия неинь, — кармась евтнеме Иван.
Бутим кармась картамо кургонзо а потомсак.
— Аштян. Самай Киринькань нешке пирень каршо. Ведь берексонть ава озадо, черензэ кочкарязонзо. Сонсь судри, лыйк каясы прязонзо кедензэ ды сонсь у у ух!.. у-уху ху!.. ранги. Пряма аволь парс. Истя знярцыя яла судрясь, мейле кодак чопавсь ведентень — акемат леесь кавтов керявсь, ды мик модась пильгалдон лыкастсь.
— Истя чить?
— Пряма обед шкане.
— Мон бу аволинь цидярт аштеме, — пшкатсь Дрига.
Эрьвейке — маньчесь, эрьвейке — кемсь.
[ 76 ]Аламос аштезь гурьбасо совасть од ломать. Вешнить евксонь евтницят.
— Аляка леляй, евтака евкске-еее!
Од ломатне мирем кармась нерьнеме.
— Огневдо уш меленэк молсть.
— Сынь косо, кинь кедьсэ?
— Бонзянь кедьсэт.
— Эщо киньгак кедьсэ евтнить?
— Эрьва кудосо. Ансяк секетнень мекев-васов. Юты охотат кунцоломс. Евтака, Аляка леляй. Я, покшкавтнек...
* * *
Коське якшамо чокшнесь цяторды вальмало. Кок вось прок сизезь пинкс понгавтовсь менелентень. Малсим бабань вальмастонть, скалонь келькс, прась товалдось Ансяк ужинавсть. Варка левштапосо нардызе столенть ды прянь апак невть, потманарсо ношкстась ушов. Столь нардавкснэ марто поводевсь Васинькань валма налишникентень.
Кудосонть — Васинькат севныть. Катя ашти столь песэнть ды судри прянзо эйсэ.
„Молян Даньчань вальмалов.“ Ансяк пачкодсь, кудо бокантень, кудостонть марявсь вайгель:
— Чевкс коськат, Толякай. — Дриганизэ витизе сэредицянть прялксонзо.
Варкань мик пургавсть сельведензэ. Сон вачкодизе левштапонть, кежевстэ совась кудов.
Ягань Ивангак пурны сэрьни. Сайсь мартонзо помила ды тусь пире удалов — ки улос. Сон помиласонть колмоксть пирезе эсь прянзо ды мадсь комадо. Вана марявить тензэ, што велестэнть лисить улавт, истямо уш покш обоз, пезэяк арась.
Кода се шкась ютась, Иван стясь ланьчезь валксь велентень.
— Вачо ие карми улеме!
Ризнэзевсь Иванонь седеезэ веленть кисэ. Ютась куринкаванть. Весеменень евтнизе апаронзо. Апаркстомсть ламо. „Нейке куть кадык веленть“, — кармасть кортнеме.
[ 77 ]* * *
Каладсь Варкань седеесь. Ризны ды ризны, лиясто мик сэредеме карми. Тарка лангс сявори—ормалгады.
Сон весе ялганзо кевкстнинзе мезе орожиясть. Весе евтнесть парт. Ансяк сонзэ ковгак амаштувить. Остатка, орожиямозо чачк керизе седеензэ Сон од иень каршо лисьма панжумас пекстась — учось моли тензэ женихезэ. Алкукскак лома вальгейсэ кортась мартонзо. Теде мейле новольсть кедензэ пильгензэ. Чинек венек думи, пароладсо а ярцы. Ялгадо оядо кадовсь. Алкукс кармась коськеме тейтересь.
— Манастырев Варкакай, молевлить бу.
Кармась кортамо Катя, коната од иень каршо судрясь прянзо.
— Ков уш манастырев...
Нарьдитвтеме вайгильсэ кармась кортамо Варка
— Молебен куть служавт...
— Иля, Катякай, коле уш чачума чистэ истямо доля прась сон авелявтови.
— Пазонть милостезэ покш.
Кемевсь Катя.
Варка истя уш тоштямсь, ирьдиксэнзэ ансяк кадовсть. Штеканзо курго потмозонзо новольст. Сормавсь такода чамазо. Сельмензэ ваясть потмакстома латкс.
Эждизь, кортнесть ломатне.
* * *
Вераз мольсь тенст Бонзяй Олда — Варкань седейшкава ялгазо. Ансяк Олда комсомолка, кодаяк а кеме Варкань, што сон кулы тедиде, Варка мик кежиявтни Олда лангс.
— Вот мезе, Варка. Адя клубов течень чокшне.
— Ды лоткак, Олда. Пазысь паметем чай эсси сайть
— Адя. Ансяк варштатан сельгень прамс.
Сякойкс кортась эйсэнзэ.
— Адя, хоть кенкш крайга варштат, мон тейса эсьтевен ды сатан мекев
— Бутим, мон а сован... Учотан ушосо.
[ 78 ]— Улезэ истя, адя.
Олда лоткась икелензэ нерьнемадо. Варка такода а мельсэ оршась ды тусть клубов. Молемстэ Олда местькак эзь корта. Эзь лаце, што стяко пие палы Варка.
Сынь мольсть, тундонь солавт ловось прок модарькань почт чикорды. Кияванть наузов эй покольтне паморить пильгалост.
Варка эзь сова клубонтень — Олдань учось ушосо. Сон екстыньзе кедензэ ожа потмозонзо ды яки. Мейле эзь кирть седеезэ, кенкш чиреванть варштась, се шканть мольсть эсист куринкань тейтерть
— Тон, кода стявить?! — Пшкадсь Лыткарь Оля.
Варка мик вал а муи. Прок келезэ кундатоць.
Талакадоманть марто кувать эзь-пшкадев.
— Олдань учан, сон тей терьдемем.
— Адядо соватан? — согласясь Оля.
Савсь совамс Варканеньгак. Молиль спектакль „Орожеямо“. Весень мельс тусь спектаклясь. Варкаяк педе пес мельсэ ванызэ,
— Аламодо коть лома ютксо мелем вития, тошнан—горян ютасть! — Варка пшкадсь, Олданень, кода лиссть клубсто.
— Яцак седе сеедстэ мартон.
— Эщо знярдо ули?, — кевкстизе Варка.
— Недлянь ютазь.
— Тон совак монянь энялдсь Олданень Варка — теке марто срадсть.
Варка тонадсь клубонтень. А молиндеряй Олда ськамонзо туи. Весть Олданень весе потмонзо чамдызе.
Олда, кармась евтнеме, што те овсе а виде, што мельсэнзэяк тень илязо кирдьть.
— Мейсь тапат седеет?
— Мон ито виемень, кода карминь якамо клубга
— Ну вот, сермадст комсамолкакс, ловнок кинига тонсь весе чаркодьсыть.
— Монь примасамизь?
— Я, мекс а приматадызь?
[ 79 ]Комсомолкакс примамодонзо мейле паксясо васодевсть Олда марто.
Иесь ульнесь истямо уш чачума ие, больчи аков.
— Ягань Иван манявсь
— Ней сынсь ломатне шайтят.
Отвечась Дрига.
— Ней аволь истят дутыйть, кода икеле... Пандя! — Варка пурны эсь перькавазо аватнень, эрьва ютко шкане ловны тенст кинигат.