Толалтэ куазь сактон вакыт (Ильин)

Толалтэ куазь сактон вакыт Автор: Михаил Ильич Ильин

Кылдытон дыр: 1917. Источник: Ильин М. И. Стихотворенияёсыз. — Елабуга: Типография совета народного хозяйства, 1920. — 17-тӥ бам.

Толалтэ куазь сактон вакыт

Гудькуазьёс сьӧртӥ
Вожез потыса
Шартлатса ветлэ
Туж урод кезьыт.

Чебер гӧръёсын
Азвесь йырсиё
Баблес луыса
Кызьпуос сыло.

Шунды ӝужан пал
Гордэктыны кутске
Акыр куазь сактон
Кема ӧвӧл ни.

Тӥни черык но
Гурезьлэн йылаз.
Тӧдь-тӧдь чиляса
Туж шулдыр пуке.

Урамын али
Нокин но ӧвӧл
Вань калык изе, —
Уз на султэ на.

Ӵанаос гинэ
Гуртлэн йылъёсаз
Быдэс уллёен
Лобаса ветло.

1917 ар. октябрын.

---