Юг-юг лымы
Адӟиз синмы,
Туннэ ӵукна султыкум.
Выль куномы,
Тол ӵужмуртмы,
Лыктэм ог уй котырын.
Миськи бамме
Но киосме.
Выл дӥсянме тупатӥ,
Вань дышетскон
Котыръёсме
Сумкаям тырыны дыртӥ.
Урокъёс дась,
Али куазь вазь, -
Эшъёс потӥллям кыре.
Салазки возьма
Кемалась,
Озьы ик шулдыр гурезь.
Сапег кутчай,
Шуба дӥсяй,
Изьяй луд кеч изьыме,
Пӧзьме сётӥз
Мусо песяй, —
Кырын потэ шудэме.
Усьтӥ ӧсэз,
Тол омырез
Кыски пушкы тырымон.
Салазкилы
Лабас улэ
Бызи мылкыд буйгамон.
Бызи кыре,
Уг пот пырем —
Нискыласьком гурезьын.
Коля, Митрей,
Палаш, Огрей —
Ӵаш поттӥськом огазьын.
Ӧм вунэтэ
Дышетсконмес,
Мыном табере школае:
Дышетсконын
Кужым будэ,
Школаын кужым шудэ!
