Тол, яратымем

Першуткин Евгений Романович

Тол, яратымем!
Шӱмемжӹ тӹнгӓлӹн выргыжаш,
Яратымемӹш тол эче.
Вӓрештеш вӓшлиӓш кыргыжаш,
Ӹлӹмӹлӓ ужде кыце?!
Мыралтымы юкемжӹм кол,
Яратымем-шанымем, тол!
Вычымы тӓнгет дон лин вӓш,
Ӹвӹртӹ шӱмӓт литӹмӓш!
Тӓ лишнӹ, тӓ палны – мӹндӹрнӹ
Яратымем каштеш,ӓнят?
Турештӹшем тӹдӹн шӹдӹржӹ
Йӹрӓлтӹжӹ палны гӹнят.
Яратымаш ак пӓлӹ - агеш,
Мӹндӹрӹм дӓ лишӹлӹмӓт.
Йӹвӹрт тӹдӹ толын шагалеш,
Элтӓлӓ пиш цат шӱ гӹцӓт.
Ӹнянем, яратымем толеш,
Цӓшӓнвлӓ мӓ линӓ сойток.
Дӓ, пайылен цӓшнӓжӹм лошеш,
Яратымаш ӹлӓ соок!
Мыралтымы юкемжӹм кол,
Яратымем-шанымем тол!
Вычымы тӓнгет дон лин вӓш,
Ӹвӹртӹ шӱмӓт литӹмӓш!