Акыр вормиз кезьыт толдэ
Шуныт тулыс шундыед.
Тӥни берпум лымыос но
Шунаса быро ини.
Тӥни музъем парланэм но
Вылэ тубыса улэ,
Тӥни отын кузь тури но
Шулдыр гурласа сылэ.
Учкали, татчы нош чебер
Сяськаос но потӥллям.
Тӥни отысь нюлэсъёс но
Вожектыны кутскиллям.
Шулдыр, шулдыр тулыс вакыт.
Веранэз ик чик ӧвӧл;
Со понна ик та ӟеч вакыт,
Арын луэ одӥг пол.
Со понна ик котькинъёс но
Тулыс куазез ярато,
Урод толэз вормемезлы
Ваньзы сюлмысь шумпото;
Мылзы-кыдзы туж каньылэсь
Уен нунал кырӟало,
Чебер, шуныт, ӟеч шундыез
Чик дугдытэк данъяло.
