Та дуннеын улонэд
Чебер чилясь зарезед:
Учкыны со туж мусо но
Ачиз только туж касо.
Уен нунал дугдытэк
Кӧшкем урод ӵашетэ,
Нокинэ но жалятэк
Ньылын турттыса кышкатэ…
— Эн кышкалэ эшъёсы
Урод зарезь улонлэсь,
Пуксе ӟечак пыжъёсы но
Вандэ нырзэ тулкымлэсь.
— Мед кошкозы йырйылтӥ
Туж шӧтэмесь пилемъёс,
Мед жигетоз котыртӥ
Кӧшкем кужмо сильтӧлъёс…
— Эн кышкалэ эшъёсы,
Шонер, азьлань мынэлэ;
Гурезед кадь тулкымлэн
Йылаз сюлмо тубелэ
Солэсь шукы сӥльсьӧрзэ
Вочак вамен вандылэ,
Вандыса улэ васькыса
Мукетъёсаз тубелэ.
Озьы сюлмо луыса
Ялан азьлань мынэлэ,
Урод зарезь улонэз
Озьы вормын тыршелэ.
Мынӥды ке, вормоды,
Вань утчамдэс шедьтоды,
Шедьтоды но берлояз
Шудо сюлмын лулӟоды.
