Умоен ӟечен калык бордысь пото (Удмурт ныл)

Умоен ӟечен калык бордысь пото
Автор: Удмурт ныл

Источник: Гудыри : газет. — 1926. — № 60. — 3-тӥ бам.

Нылпи сярысь верано ке,
Шедьтоно соослы сюрес.
Нылпи коркаос усьтоно,
Огазьын будэтоно.

Коть мар калык бордысь потэ. Костаськись нылпиос шоры учкид ке, соку ик адӟод. Отын пе улонзы тупано, умой гинэ уло шуыса гожто. Кытын ке нош туж курадӟыса уло.

Узыр калык дорын пе ужало, ӝыт кӧлны инты утчаса пе ветло. Та бордысь син азе кык пумо сульдэр пуксе.

Одӥг сульдэр — костаськись нылпиос пала дурбасьтӥсьёс, кыкетӥез нош — соосыз курадӟытыса возисьёс луо. Нырысь сульдэраз шоро-куспо но куанер улӥсь муртъёс пуксё. Кыкетӥ сульдэраз нош узыр калык луэ.

Мон та гожтэтъёс вылэ учкыса, тазьы малпасько:

Пазял-Жикья но Мувыр гуртъёсын калык шоро-куспо но куанерез тросгем дыр луо. Соин татын калык, коть мае адӟем, курадӟем маке. Костаськись нылпиосыз но утялто.

Сьӧлта гуртын нош узыръёс тросгем дыр. Соин ик, нылпиосыз коӵо-куака сямен кокчаны гинэ турттыса луо. Ужато-ужато но, умой сюдны няньзэс но жаляло, ужам понназы дун тыртэк гинэ келяны турттыло.

Ултӥе усем костаськись нылпиосыз кыӵе ке но уж борды кутоно.

This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:

it was anonymously published before January 1, 1954 (more than 70 years ago).

This work is in the public domain in the United States because it was published before January 1, 1929 (more than 95 years ago).

This anonymous or pseudonymous work is also in the public domain in other countries and areas where the copyright term of anonymous or pseudonymous works is 97 years or less since publication.