Уяв
И лапка-лапканăн
Лăпкă юр çăвать,
Çĕр çине чăлт-шурă
Кăкăрлăх çакать.
Тарлă, йăлăхтарнă
Канăçсăр çăва
Савăнса ăсатнăн
Сиккелет чакак.
Сарлака йăмранăн
Шилĕкĕ çинче
Чавкасен шăй-шайĕ
Çуйăхать пĕрмай.
Калăн, шурă вăхăт,
Калăн, шур тĕнче
Килнине чыслаççĕ
Сăрнайпа палнай.
Катанпир пĕркенчĕк
Уртнă çÿллĕ ту,
Ун тавра тухъяллă
Яхтă-чăрăшсем.
Калăн, хĕр сăрийĕ,
Калăн, çĕнĕ туй
Хускатма шутлаççĕ
Пĕлĕш-тантăшсем.
Тунсăхлă хăна пек
Пăхкалать хĕлле,
Куç хĕсет ачашшăн,
Кулкалать япшар.
Эх, кăмăлăм, кăмăл,
Кăмăлăм мĕнле!
Вăл паян çĕн юр пек
Тап-таса, шап-шур.
Эп выляп-кулатăп —
Çĕн вăхăт паян,
Савăнап-юрлатăп —
Паян кун уяв.
Ак халавлăн çитрĕç,
Юрласа ян-ян,
Хĕллене Октябрь
Паянхи туя.
Ярапине янă
Савăк тĕнчене
Хĕрлĕ тĕс хастарлăн
Çавăрса илет.
— Эй, тухсам, ĕççынĕ,
Тух, ялав чĕнет!
Санăн çеç паян кун
Илмелле тивлет!
Çиçĕмпе шăратнă
Пирĕн йăласем
Çимĕкрен илемлĕ,
Сĕрентен чипер.
— Эй, кĕрле, ĕçхалăх!
Ташлăр, ялавсем!
Паян кун пĕр харăс
Вăйсене виçĕр.
«Интернационалĕ»
Хаяр та йăваш,
Тапхăр-тапхăр тарăн
Сывласа илет;
Ăншăртран[i] сывалнă
Пирĕн пек чăваш
Паян кун туяннă
Танлăхпа тивлет.
Савăн, хапрăк-савăт!
Савăн, аслă хир!
Çĕнтерÿллĕ савнăç
Хулара, хирте.
Çак таса çĕршывăн
Хуçисем эпир,
Çак тĕнчен йĕвенĕ
Паян кун пирте!
И лапка-лапканăн
Лăпкă юр çăвать.
Ял хушши йăл-ялăн
Ялавпа çунать…
1926
 
|
This work is in the public domain in the United States because it was first published outside the United States prior to January 1, 1929. Other jurisdictions have other rules. Also note that this work may not be in the public domain in the 9th Circuit if it was published after July 1, 1909, unless the author is known to have died in 1953 or earlier (more than 70 years ago).[1]
This work might not be in the public domain outside the United States and should not be transferred to a Wikisource language subdomain (or as a file it should not be migrated to the Wikimedia Commons) that excludes pre-1929 works copyrighted at home. Данная работа, впервые изданная до 1929 года, находится в общественном достоянии по законодательству США, и может быть опубликована здесь, в мультиязычной Викитеке. Но эта работа не может быть опубликована в национальной Викитеке, которая должна подчиняться законодательству России, т. к. работы этого автора (за исключением изданных до 7 ноября 1917 года) пока не вышли в общественное достояние в России. Этот автор умер в 1957 году, соответственно эта работа выйдет в России в общественное достояние в 2028 году.
The author died in 1957, so this work is also in the public domain in countries and areas (outside Russia) where the copyright term is the author's life plus 60 years or less. |