Уӵыпи ке но мон лусал

Уӵыпи ке но мон лусал… Калык кырӟан

Источник: Кенеш : журнал. — 2014. — № 5—6. — 7-тӥ бам.

Уӵыпи ке но мон лусал…

Уӵыпи ке но мон лусал,
Кырӟасал но верасал.
Бурды ке но мынам лусал,
Лобӟысал но кошкысал.

Укно улын уӵы чирдэ,
Чирдэмъя пыдло пыре.
Мынам та пинал йыръёсы
Улэмъя ӝоже усе.

Арамае эн пыралэ —
Льӧмпу сяська пазьгиськоз.
Муртлы кылдэс эн вералэ —
Муртлы секыт кылӥськоз.

Турын ӵоги, кускам понӥ,
Пиям понӥ — мар луиз.
Анай мыным уно вераз,
Пелям понӥ — мар луи.

---