Хуы æмæ фыс (Гæдиаты)

by Гæдиаты Секъа

ХУЫ ÆМÆ ФЫС

Хуы 'ппæлыди йæхицæй:
— Адæмæн дæн æз сæ цард,
Хор мын дæттынц къæбицæй,
Дисны бæрц вæййы мæ нард;

Аргæ кæнын къæрдгæйттæ,
Къуыбырхъустæ, гæмæхтæ,
Уæд райдайын тæргæйттæ,
Богътæ кæнын, гæрæхтæ...

Уæд æм уæрыкк ысдзырдта:
— Дистæ кæнын, куысыфтæ,
Пехуымпар дæ не стыдта,
Залмы сыфау — дæ хъустæ.

Кæд æз иу арын, уæддæр
Дæуыл мæхи нæ барын,
Мæнæн ыскæнынц уæддæр,
Цъыфтыл мæхи нæ хъарын.

Мæн аргæвдынц нывондæн, —
Хуыцауы уарзон у нæл фыс,
Хуын мæ кæнынц бæрзондæн,
Ды та уал уым цъыфы хуысс.

---