Часосло́въ/Полꙋ́нощница воскрⷭ҇наѧ

А҆́ще бꙋ́кви непра́вилнѣ зрѧ́тсѧ, грѧдѝ сѣ́мо, да грамматоси́ры є҆́млеши.

←Полꙋ́нощница сꙋббѡ́тнаѧ

Часосло́въ Полꙋ́нощница воскрⷭ҇наѧ

Послѣ́дованїе ᲂу҆́трени→

This page contains Church Slavonic text. Without proper font support, you may see question marks, boxes, or other symbols instead of letters and diacritics. Click here to download required fonts.

Полꙋ́нощница воскрⷭ҇наѧ.

Сщ҃е́нникъ: Бл҃гослове́нъ бг҃ъ на́шъ: И҆ мы̀ глаго́лемъ: А҆ми́нь. Сла́ва тебѣ̀ бж҃е на́шъ, сла́ва тебѣ̀. Цр҃ю̀ нбⷭ҇ный: Трист҃о́е. Прест҃а́ѧ трⷪ҇це: Ѻ҆́ч҃е на́шъ: Сщ҃е́нникъ: Ꙗ҆́кѡ твоѐ є҆́сть црⷭ҇тво: Гдⷭ҇и поми́лꙋй, в҃і. Сла́ва, и҆ ны́нѣ: Прїиди́те, поклони́мсѧ: три́жды. Ѱало́мъ н҃: Поми́лꙋй мѧ̀ бж҃е:

И҆ а҆́бїе глаго́лемъ трⷪ҇чный канѡ́нъ настоѧ́щагѡ гла́са,
и҆ по не́мъ а҆́бїе трⷪ҇чны сїѧ̑:

Досто́йно є҆́сть ꙗ҆́кѡ вои́стиннꙋ, сла́вити тѧ̀ бг҃а сло́ва, є҆гѡ́же трепе́щꙋтъ и҆ трѧсꙋ́тсѧ херꙋві́ми, и҆ славосло́вѧтъ си̑лы небє́сныѧ, воскре́сшаго тридне́внѡ и҆з̾ гро́ба, хрⷭ҇та̀ жизнода́вца стра́хомъ просла́вимъ.

Воспои́мъ всѝ бг҃олѣ́пнѡ пѣ́сньми бж҃е́ственными, ѻ҆ц҃а̀, и҆ сн҃а, и҆ дх҃а бж҃е́ственнаго, трїѷпоста́снꙋю держа́вꙋ, є҆ди́но црⷭ҇тво и҆ гдⷭ҇ьство.

Ю҆́же пою́тъ всѝ земноро́днїи, и҆ славосло́вѧтъ си̑лы нбⷭ҇ныѧ, ѿ всѣ́хъ вѣ́рнѡ покланѧ́емꙋю, є҆ди́ницꙋ по сꙋществꙋ̀, трїѷпоста́снꙋю.

Гдⷭ҇онача́льнꙋю херꙋві̑мъ, и҆ бг҃онача́льнꙋю без̾ сравне́нїѧ серафі̑мъ, нераздѣ́льнꙋю трⷪ҇цꙋ во є҆ди́ницѣ, сꙋ́щее бг҃онача́лїе, тѧ̀ велича́емъ.

Ѻ҆ц҃ꙋ̀ безнача́льномꙋ и҆ бг҃ꙋ, собезнача́льномꙋ сло́вꙋ, со дх҃омъ покланѧ́юсѧ: неразлꙋ́чное є҆ди́но соединѧ́емое сꙋщество̀, тричи́сленнꙋю є҆ди́ницꙋ пѣ́сньми почти́мъ.

Лꙋчеза̑рныѧ твоѧ̑ мѡ́лнїѧ возсїѧ́й мѝ, бж҃е мо́й, трїѷпоста́сне вседѣ́телю, и҆ до́мъ мѧ̀ покажѝ твоеѧ̀ непристꙋ́пныѧ сла́вы, свѣ́телъ и҆ свѣтоно́сенъ и҆ неизмѣ́ненъ.

Є҆гѡ́же трепе́щꙋтъ и҆ трѧсꙋ́тсѧ херꙋві́ми, и҆ славосло́вѧтъ а҆́гг҃льскаѧ вѡ́инства, ѿ дв҃ы неизрече́ннѡ вопло́щшагосѧ хрⷭ҇та̀ жизнода́вца, стра́хомъ просла́вимъ.

Та́же: Трист҃о́е. Прест҃а́ѧ трⷪ҇це: Ѻ҆́ч҃е на́шъ: Ѵ҆пакоѝ гла́са. Гдⷭ҇и поми́лꙋй, м҃.

Сла́ва, и҆ ны́нѣ: Чⷭ҇тнѣ́йшꙋю херꙋві̑мъ:

И҆ возгла́съ ѿ сщ҃е́нника: Бж҃е ᲂу҆ще́дри ны̀:

И҆ мл҃тва прест҃ѣ́й трⷪ҇цѣ: Всемогꙋ́щаѧ и҆ животворѧ́щаѧ:

И҆ ѿпꙋ́стъ, и҆ проще́нїе ѻ҆бы́чное.

Та́же і҆ере́й глаго́летъ є҆ктенїю̀: Помо́лимсѧ ѡ҆ вели́цѣмъ господи́нѣ:

Мы́ же: Гдⷭ҇и поми́лꙋй, кро́ткимъ и҆ ти́химъ гла́сомъ.

И҆ по и҆сполне́нїи тоѧ̀, глаго́летъ предстоѧ́тель:

Мл҃твами ст҃ы́хъ ѻ҆тє́цъ на́шихъ, гдⷭ҇и і҆и҃се хрⷭ҇тѐ бж҃е на́шъ, поми́лꙋй на́съ.

Мы́ же: А҆ми́нь.

Коне́цъ полꙋ́нощницъ.

This is a translation and has a separate copyright status from the original text. The license for the translation applies to this edition only.
Original:
Translation: