Шартял Кожым сӹлнӹктӹмӹ

Шартял Кожым сӹлнӹктӹмӹ (Joulupuu on rakennettu)

Г. Шӧнеманн Кырык марлашкы Валери Микор пиштен

Шартял кожым сӹлнӹктӹмӹ,
У и дон Шартял толеш.
Мадышвлӓмӓт сӓкӓлтӹмӹ
цевер кожын укшвлӓэш.

Кож вӹлнӹшӹ соты тылвлӓ
тьылге вел кайын колтат.
Кожна йӹр сӓрнӓл тетявлӓ
Сусун мырым мыралтат.

Тау тӹлӓт, цевер кожна,
кандет сусум мӓлӓннӓ,
и гыт мычкы седӹндонат
тӹньӹм сусун ӓштенӓ.