Колхозонь эряф/1932/23-24/Шахматно-шашечнай организациятнень инголе пяльдень задачасна

 

Шахматно-шашечнай организациятнень инголе пяльдень задачасна.

 

Йотась киза ся пинкть эзда мзярда ульсь сембе союзонь шахматонь-шашкань 7-це с‘ездць, кона лихць лама путфкст, инголе пяли Совецкяй союзса шахматонь-шашкань тевть вишкоптеманц колга.

Кода жа ня путфкснень эряфс йотафнесазь Мокшэрзянь областень шахматно шашкань организациятне, кодапт итоксна пцтай киза кувалмонь пингонь работасост.

Тяддень кизоть майть мекольдень шинзон йотафтф краень Ш. Ш. пленумсь пяк оцю няфтьфксса няфтезень сатфкснень и афсатыкснень краень Ш-Ш. работаса

Ламоц райоттнень эзда обласьца Ш.-Ш. работась ащи лафчста, а лама районта сон йофси аш.

Обласьца шахматно-шашечнай движениясь тя пинкс аф арси массовайкс, тя пинкс работась моли „дедовскай метоца“-эсь отям, то келепцазь, то крьфтасазь работань масштапнень. Тя арси стама няфтьфокс, што ш.-ш. работась лама вастова апак ладяк одукс производственнай принципс коря, што ш.-ш. организациятне обласьца аф содасазь лац инголест ащи задачатнень мировой спартакиадати анокламаса, тюремать „ГТО“ значокть инкса и лама лия общеполитическай задачатнень.

Оцю кирникс работаса арсишахматистнень йоткса аф йотафневи воспитательнай работась пяк вишкоптьф крайса лама организациятнень эса аполитичносьць и аш дисциплина.

Эряви сяда курок пуроптомс сембе ш.-ш. общественностть обласьца марса физкультурниконь организациятнень мархта областень ш.-ш, организациятнень инголе ащи задачатнень пяшкодема.

Шахматист-фиткультурникть инкса производства цебярь ударникть инкса!

Ш.-ш. работать производственнай принцепс коря одукс тиеманц инкса!