Валда ян/1932/09-10/Шашкань отделть задачанза
| Шашкань отделть задачанза |
| Тя номерстонза „Валда ян“ журналсь эсь лопа ширензон эса кармай ноляма шашкань отдел. Коса улихть моксфт задачат, башка пяртиянь срафтамат, няфнесыне лопа ширензон эса вастонь шахматно-шашкань организациятнень работаснон. Шашкань отделсь, кармай вятема шахмотно-шашкань коллектифнень работаснон мархта руководства. Пуропты вастонь коллектифненди лезкс, лезды сембонда кинь мялец тонадомс шашкаса и шахматса налхкома.
Тяда башка шашкань отделсь арси Мокшэрзянь обласьца рабочаень и колхозниконь культурнай ваймама вастонь пуроптыкс. Шашкань отделсь лезды морафтома куттнень эса шахматно-шашкань работань пуроптомати, пуропцыне сембе шахмаца и шашкаса налхкихнень, тянь вельде, таргамс синь физкультурати и анокламс синь социалистическай трудти и СССР-ть оборонанцты. Нолдави шашкань отдел. Редакциясь надияй, што физкультурань райсоветтне, морафтома-куттне, шахматно-шашкань кружокне, рабочайхнэ и колхозникне, кармайхть сондиенза лездома сонь лангозонза путф задачаттнень пяшкся пяшкодемаснонды. Редакциясь учи тинь ширьдентт всякай задачат, тинь замечанияттень, кизефкст и лия материалхт. Тя отделсь панжеви кафта задачань тяштезь, шашкань партиянь срафтома, кода налкф 1-це шашкань турнирса и вастонь шахматно-шашкань хроникаса. Редакциясь учи нят задачатнень решиндамаснон. Фамилиясна ялгатнэнь, конат лац решиндасазь задачатнень, улихть тяштьфт „Валда ян“ журналса. РЕДАКЦИЯСЬ. |