Эй шинель, минән иҫәпһеҙ Афарин, рәхмәт һиңә.
Һаҡлайһың ямғыр, һыуыҡ елдән, файҙаң күп миңә.
Аҫҡа түшәк, өҫкә юрған,
Башҡа мамыҡ мендәрем,
Барлығы — һин, йылытаһың
Аҫтында туңған төндәрем.
Һин минең шәфҡәтле әсәм,
Мәрхәмәтле ҡәрҙәшем.
Күп ауырлыҡ, ҡайғыға Уртаҡлыҡ иткән иптәшем.
Йоҡланыҡ һалҡын, еүеш Зимләнкәләрҙә күп ваҡыт,
Аҙмы һуғыштарҙа йөрөнөк
Ҡан вә һаҙҙарға батып!
Эй шинель, минән иҫәпһеҙ Афарин, рәхмәт һиңә,
Һаҡлайһың ямғыр, һыуыҡ елдән, файҙаң күп миңә!
