Эн чирды, чуж уӵы,
Мынам укно улам…
Лобӟы тон нюлэскы
Вордӥськем музъемам.
Яратон ныллэн
Укно улаз пуксьыса,
Курадӟемме, мӧзмемме
Вера солы чырдыса.
Вера, кызьы со понна
Куасьмисько, ӵужектӥсько.
Сӥзьыл усем ӵуж куар кадь,
Сюлэм чидамтэен бӧрдӥсько.
Сотэк люгыт толэзь но мыным,
Пеньмыт адӟиське.
Мылыз потытэк кадь берга
Иньмись шунды нуназе.
Сотэк кинь бон мынам
Чаляк пумитям потоз?
Кинь эркияса вешалоз?
Кинь сюлэмме буйгатоз?
Сотэк киньлы вералом
Шумпотэмме, кайгыме?..
Калык уз вала, серекъялоз.
Сюлмаз уз пыр тэльмыреме.
Марлы бон чырдиськод на
Укно улам тон, уӵы?
Лобӟы вал чалякгес,
Яратон нылы доры.
